Flash News

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

Përplaset kamioni dhe ambulanca në aksin Fier-Lushnjë, katër të plagosur

Ditari i Opozitës

Topalli nga Londra thirrje shqiptarëve: 11 maji është shansi ynë për të ndryshuar realitetin

Politiko 6 Prill 2025, 20:27

Topalli nga Londra thirrje shqiptarëve: 11 maji është shansi

Drejtuesja politike e PD për diasporën, Jozefina Topalli, në takimin e PD në Londër, i bëri thirrje shqiptarëve të bashkohen për të votuar më 11 maj.

Topalli tha se kjo është një mundësi për të shpëtuar kombin shqiptar nga një realitet i rëndë. Topalli theksoi se nëse nuk merret një vendim i fuqishëm në këtë datë, Shqipëria rrezikon të mbetet pa shqiptarë.

Demokratja kujtoi shifrat e emigracionit, ku një milion shqiptarë u larguan në dekadën e fundit.

“Kur vendi, vendlindja ka nevojë, bijtë e Shqipërisë janë gjithmonë aty për t’i ndihmuar, dhe ju jeni sot aty, dhe unë jam sot këtu për t’ju thënë ejani më 11 maj, ejani në Shqipëri më 11 maj, për të votuar për kombin.

Jo thjeshtë për një vendim politik, jo thjeshtë për një rrotacion politik, por për të votuar për kombin, për të cilin nëse ne nuk marrim një vendim të fuqishëm më 11 maj, rrezikon të mbesë pa shqiptarë.

Ju, një prani kaq e madhe e juaja tregon për një histori dramatike të vendit tonë gjatë viteve të fundit.

Nuk është më sikur shqiptarët largoheshin nga diktatura duke hyrë nëpër ambasada, por është po aq rëndë, në 10 vjet, 12 vjet, në një dekadë, të ikin 1 milion shqiptarë, është drama më e madhe që mund t’i ndodhë një kombi.

Dhe unë e di mirë se asnjë prej shqiptarëve, as ju që jeni këtu në Londër, as ato që janë në Nju Jork, as ato që janë në Gjermani, në Itali, në Greqi dhe në ende të tjera, ato nuk kanë ikur nga luksi, ato kanë ikur se i është mbyllur një derë në fytyrë, ata kanë ikur se nuk i është dhënë asnjë shpresë dhe asnjë perspektivë për të ardhmen, ato kanë ikur sepse ato nuk kishin asnjë mundësi për të ndërtuar jetën e tyre në vendin e tyre.

Ne kemi mundësinë që më 11 maj të bëjmë një rrotacion dhe të përmbysim një realitet i cili është gjeja më e rëndë në historinë e kombit tonë”, deklaroi Topalli.

Të fundit