Sa sheqer në ditë është i sigurt për ju?

Konsumimi i lartë i sheqerit të shtuar lidhet me rritjen e rrezikut për sëmundje të zemrës dhe diabet të tipit 2, sipas udhëzimeve të shëndetit publik dhe organizatave mjekësore ndërkombëtare. Ekspertët rekomandojnë reduktimin e tij në më pak se 10% të kalorive ditore, për një shëndet më të mirë afatgjatë.

Sipas të dhënave, një person në Shtetet e Bashkuara konsumon mesatarisht rreth 17 lugë çaji sheqer të shtuar në ditë, një shifër që konsiderohet e lartë nga autoritetet shëndetësore.

Udhëzimet dietike rekomandojnë që të rriturit të kufizojnë sheqerin e shtuar në rreth 10 gramë për çdo vakt, ndërsa Shoqata Amerikane e Zemrës sugjeron që ai të mos kalojë 6% të kalorive ditore, ose rreth 6–9 lugë çaji (afërsisht 30 gramë) për një dietë prej 2,000 kalorish.

Si ta kuptoni sasinë e sheqerit në ushqime

Ekspertët theksojnë rëndësinë e leximit të etiketave ushqimore:

“Sheqeri total” përfshin si sheqernat natyrale ashtu edhe ato të shtuara.
“Sheqeri i shtuar” tregon vetëm sheqerin e shtuar gjatë përpunimit të produktit.
Në disa raste, e gjithë sasia e sheqerit në një produkt mund të jetë e shtuar, çka e bën atë më pak të shëndetshëm.

Sheqeri natyral dhe ai i shtuar nuk janë njësoj

Sheqeri natyral gjendet në fruta, perime, drithëra dhe bishtajore, të cilat përmbajnë fibra, vitamina dhe minerale që ndihmojnë në përthithje më të ngadaltë dhe shmangin rritjet e menjëhershme të sheqerit në gjak.

Ndërsa sheqeri i shtuar, që gjendet në ëmbëlsira, pijet e gazuara, mjaltë, shurup panje apo agave, përthithet më shpejt dhe mund të shkaktojë rritje të menjëhershme të glukozës në gjak.

Rreziqet për shëndetin

Sasia e lartë e sheqerit lidhet me shtim në peshë dhe një sërë problemesh shëndetësore, përfshirë:

hipertensionin
sëmundjet e zemrës
apnenë e gjumit
osteoartritin
dhimbjet kronike
disa lloje kanceri
prishjen e dhëmbëve
Ekspertët theksojnë se kufizimi i sheqerit të shtuar në më pak se 10% të kalorive ditore ul ndjeshëm rrezikun për karies dentar dhe probleme metabolike.

Ndërsa studimet mbi lidhjen mes sheqerit dhe sëmundjeve kardiovaskulare kanë dhënë rezultate të ndryshme, veçanërisht për pijet me sheqer të shtuar, ekspertët bien dakord se konsumi i tepërt mbetet një faktor rreziku i rëndësishëm për shëndetin publik.