Flash News

Demokratët fitojnë bindshëm Kavajën

Blinin vota për PSD, në pranga një person, shpallet në kërkim kryeplaku i fshatit në Kukës

Përmbysja e rezultatit në Lezhë, PD-ASHM siguron 4 deputetë

Rezultati/ PS fiton për herë të parë në Paskuqan

Numërohen mbi 93% e kutive të votimit, si paraqitet rezultati i në QV? Vijon edhe numërimi për diasporën

POLITIKOFF

E mbijetuar e Holokaustit (e famshme në TikTok), nderohet me çmimin e rëndësishëm

Politiko 2 Shkurt 2023, 15:19

E mbijetuar e Holokaustit (e famshme në TikTok), nderohet me çmimin

Një 99-vjeçare e mbijetuar e Holokaustit, e cila tani është bërë e famshme në TikTok për videot e saj që përshkruan tmerret e Luftës së Dytë Botërore, është vlerësuar me një MBE në Pallatin Windsor të Britanisë nga Mbreti Charles. Lily Ebert, një anëtare themeluese e Qendrës së Mbijetuarve të Holokaustit në Mbretërinë e Bashkuar, u vlerësua për shërbimet e saj në mësimin e gjeneratave të reja rreth Holokaustit.

E mbijetuar e Holokaustit (e famshme në TikTok), nderohet me çmimin

99-vjeçarja u shoqërua në Pallatin Windsor nga stërnipi i saj, Dov Forman. Materiali edukativ që ata krijojnë në TikTok ka miliona shikime dhe Ebert është një nga personazhet e famshëm në platformë. Ebert tha:

"Nuk ka kaluar shumë kohë që disa njerëz më gjuanin dhe donin të më vrisnin për fenë time dhe tani po e marr këtë nder të madh. Fjalët nuk mund të përshkruajnë saktësisht se sa do të thotë kjo për mua. I premtova vetes se nëse mbijetoja, atëherë do t’i tregoja gjithë botës atë që na ndodhi në Aushvic, se kishte njerëz që vdiqën vetëm për besimet e tyre. Na bënë të besojmë se nuk e meritojmë jetën."

Ebert ishte 20 vjeçe kur u çlirua nga Aushvici dhe jetoi për një vit në Zvicër përpara se të transferohej në vitin 1946 në atë që tani është Izraeli. Në vitin 1967 ajo emigroi në Britani me bashkëshortin e saj Samuel. Tani, ajo jeton në Londrën Veriore dhe është nënë e tre fëmijëve dhe gjyshe e dhjetë nipërve. Ajo u bë stërgjyshe për herë të 36-të vitin e kaluar. Ajo inkurajon të gjithë të mësojnë të vlerësojnë dallimet dhe të mësojnë nga njëri-tjetri, të jenë të sjellshëm me njëri-tjetrin.

"Diçka kaq e tmerrshme si Holokausti nuk duhet të ndodhë më kurrë. Sa të jem gjallë, do të përpiqem t’i mësoj botës të jetë tolerante."

Të fundit