Flash News

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

KRYESORE

Presidenca shqiptare konfirmon listën e Samitit Brdo-Brijunit: Vuçiç, Dodik dhe Ivanov në Tiranë

Politiko 4 Maj 2019, 18:12
Presidenca shqiptare konfirmon listën e Samitit Brdo-Brijunit:

Presidenca e Shqipërisë ka konfirmuar listën e pjesëmarrësve në samitin e Brdo-Brijunit. Në samitin që do të organizohet në Tiranë më 8-9 maj të pranishëm do të jenë edhe presidenti i Serbisë, Aleksandar Vuçiç dhe ai i Republikës Serbe në Bosnje-Hercegovinë, Milorad Dodik.

Të ftuarit e tjerë do të jenë presidentët e Kosovës, Maqedonisë së Veriut, Malit të Zi, Kroacisë, Sllovenisë, Polonisë dhe Federica Mogherini, përfaqësuesja e BE për politikën e Jashtme.

Zyra e Ilir Metës është kujdesur të theksojë se ftesat për të pranishmit janë dërguar në bashkëpunim me presidentët e Sllovenisë dhe Kroacisë, dy shtetet që kanë themeluar këtë nismë rajonale.

Reagimi i plotë i Presidencës:

Më 8-9 maj 2019, Presidenti i Republikës, Sh.T.Z. Ilir Meta, organizon në Tiranë Samitin e radhës së Liderëve të Procesit të Brdo-Brijunit.

Procesi i Brdo-Brijunit është një nismë rajonale bashkëthemeluar nga Presidentët slloven dhe kroat në vitin 2010.

Me ftesën edhe të Presidentes së Kroacisë, Kolinda Grabar-Kitarović dhe të Presidentit të Sllovenisë, Borut Pahor, në Samitin e Tiranës, do të marrin pjesë tre Anëtarët e Kryesisë së Presidencës së Bosnje-Hercegovinës, Milorad Dodik, Šefik Džaferović dhe Željko Komšić, Presidenti i Kosovës, Hashim Thaçi, Presidenti i Malit të Zi, Milo Đukanović, Presidenti i Maqedonisë, Gjorge Ivanov, si dhe Presidenti i Serbisë, Aleksandar Vučić.

Të ftuar nderi janë Presidenti i Polonisë, Andrzej Duda, dhe Përfaqësuesja e Lartë e Bashkimit Evropian për Punët e Jashtme dhe Politikën e Sigurisë dhe Zëvendës Presidente e Komisionit Evropian, Federica Mogherini.

Samiti i Liderëve në Tiranë, që përkon dhe me “Ditën e Evropës”, synon të përçojë një mesazh të rëndësishëm politik lidhur me aspiratën e përbashkët të vendeve të rajonit për t’u integruar në Bashkimin Europian.

Kjo nismë ka shërbyer si forum i rëndësishëm i nivelit më të lartë politik për nxitjen e dialogut, bashkëpunimit, forcimit të sigurisë dhe stabilitetit, dhe mbështetjen e proceseve europiane dhe euroatlantike të të gjitha vendeve të rajonit. Një tregues domethënës e jetik për vende tona ka qenë mbështetja e vazhdueshme që drejtues të lartë evropianë dhe amerikanë i kanë dhënë këtij Procesi.

Në mbyllje të Samitit, Liderët e procesit do të miratojnë një dokument me konkluzionet e takimit.

Të fundit