Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Rajoni

Kryeministri i ri i Malit të Zi/ Kush është Milojko Spajiç, 36-vjeçari që zëvendësoi Dritan Abazoviç

Politiko 31 Tetor 2023, 09:20

Kryeministri i ri i Malit të Zi/ Kush është Milojko

Pas një diskutimi që ka zgjatur gjatë gjithë natës, deputetët e Kuvendit të Malit të Zi kanë votuar për qeverinë e 44-të.

Kryeministri i ri do të jetë Milojko Spajiç, për zgjedhjen e së cilës qeveri votuan 46 deputetë, kundër 19 dhe një abstenoi.

Kush është Milojko Spajiç?

Spajiç, së bashku me Jakov Milatović, është një politikan që ka parë një rritje të madhe të popullaritetit në Mal të Zi vitet dhe muajt e fundit. Ai u bë i njohur për publikun e gjerë si ministër në qeverinë e Zdravko Krivokapiqit, pas së cilës me kolegun e tij Milatoviq formoi Lëvizjen Evropa tani.

Ai ka lindur më 24 shtator 1987 në Pljevlja. Ai mbaroi shkollën e mesme si një nga studentët më të mirë dhe vazhdoi shkollimin në Universitetin e Osakës në Japoni, ku studioi ekometrinë në gjuhën japoneze si bursist i Qeverisë së Japonisë. Magjistraturën, gjithashtu si studiues, e mori në Francë në shkollën e biznesit HEC Paris.

Pas diplomimit, ai punoi në Shtetet e Bashkuara në Ëall Street, në Paris dhe Tokio. Para se të hynte në politikë, Spajiq ka punuar edhe për “Goldman Sachs”, një grup bankar global që merret me investime bankare, tregtimin e letrave me vlerë dhe shërbime të tjera financiare, kryesisht me klientët institucionalë.

Lëvizja Europa Tani u shpall fituese e zgjedhjeve të parakohshme në Mal të Zi, me 25.5% të votave të fituara. Milojko Spajiç pritet të jetë kryeministri i ri i vendit, që do të zëvendësojë Dritan Abazoviç, deri tani kryeministër teknik.

Sa i përket partive shqiptare, Nika Gjeloshaj është zëvendëskryeministër për Politikat Ekonomike dhe Ministër i Zhvillimit Ekonomik, Fatmir Gjeka është ministër për të Drejtat e Njeriut dhe Minoriteteve dhe Marash Dukaj është Ministër i Administratës Publike.  

Të fundit