Vuçiç nervozohet pas pyetjes së gazetarit shqiptar për marrëveshjen e asociacionit: Pse flet me zë të lartë?!

Presidenti serb, Aleksandar Vuçiç ka folur para gazetarëve pas takimit me liderët evropianë në Bruksel, lidhur dialogun Kosovë-Serbi.

Gjatë prononcimit para mediave, gazetari i Euronews Albania, ia ka bërë një pyetje në lidhje me marrëveshjen për Asociacionin, por Vuçiç ka reaguar i nervozuar.

Vuçiç -gazetarit: Pse flet me zë të lartë, unë të dëgjoj mirë.

Gazetari: A mund ta bëjë pyetjen?

Vuçiç: Pse je nervoz?

Vuçiç: Mund ta imagjinoj pse je kaq nervoz.

Pas takimit, ka reaguar edhe kryeministri Albin Kurti.

Kurti ka thënë se është i gatshëm ta nënshkruajë marrëveshjen bazë për normalizimin e marrëdhënieve me Serbinë, si dhe draftin e ofruar nga diplomatët perëndimorë për themelimin e Asociacionit të komunave me shumicë serbe, por pala tjetër nuk është.

Ndërsa Vuçiç tha se Serbia dëshiron t’i zbatojë të gjitha marrëveshjet e nënshkruara me autoritetet e Kosovës.

Ai tha se, më 21 tetor, kur në Beograd priti të dërguarit perëndimorë, mori një letër që ishte “bazë e mirë për të ardhmen”