Më në fund një lajm i mirë nga Alvin Berisha!
11-vjeçari që preku zemrat e shqiptarëve është nxjerrë nga kampi Al-Hol në Siri.
Lajmi është konfirmuar nga i ati i djalit, por edhe përfaqësues të organizatës Gjysmë Hëna e Kuqe siriane, e cila ka asistuar në nxjerrjen e vogëlushit nga kampi.
Aktualisht, ai ndodhet në Damask dhe pritet që deri nesër të mbërrijë në Romë në Itali, ku po e pret i ati, Afrim Berisha dhe dy motrat.
Siç duket në foto, Alvini shfaqet i qeshur, pranë një përfaqësuesi të organizatës, Gjysmë Hëna e Kuqe Siriane, tashmë i lirë.
Për nxjerrjen e tij nga kampi kanë asistuar edhe autoritetet italiane dhe Kryqi i Kuq Internacional. Rasti i Alvinit u bë publik nga emisioni italian “Le Iene”.
Ai ndodhej prej pesë vitesh i vetëm në kampin famëkeq, pasi u mor nga nëna e tij, Valbona, e cila u largua nga Italia bashkë me Alvinin, në atë kohë 6 vjeç, për t’i shërbyer Shtetit Islamik të ISIS, ku dhe mbeti e vrarë.
Nga bombardimet, Alvini është plagosur në këmbë.
Discussion about this post