Gazetari Artan Hoxha ka dhënë detaje për atentatin që tronditi Kurbinin të shtunën në mbrëmje, ku të vdekur mbetën Paulin Gjergji dhe Bujar Lika. Në studion e Abc, Hoxha tha se kjo ngjarje është vazhdim i ngjarjeve të mëparshme.
Një detaj i dhënë nga gazetari, është fakti se sipas tij atentatorët mbanin veshur uniforma të forcave speciale.
Hoxha tha se kjo nuk është hera e parë që atentatorë përdorin një uniformë policie, ndaj argumentoi se nuk kemi të bëjmë me vrasës amatorë.
“Ngjarja që ka ndodhur në Kurbin është e rëndë. Jo thjesht për bilancin, me dy viktima dhe një të plagosur, por për më tepër është një ngjarje me përmasa të frikshme për pasojat që sjell. Janë ngjarje me vazhdim dhe ky është problemi. Nuk është se ndodhi sot dhe mbaroi, është vazhdimi i një seriali. Kjo është vazhdim i një historie dhe nuk është fundi. Pas kësaj ngjarje duhet të jemi vigjilentë.
Një nga personazhet, është biznesmen i njohur, Paulin Marku, se është dhenë me mbiemrin Gjergji. Përveç kësaj ka qenë një biznesmen që është marrë me ndërtim. Ka ndërtuar edhe në bllok. Pastaj u fuqizua dhe u bë pjesë edhe e lojrave të fatit. Kisha kohë që nuk e kisha hasur dhe u çudita kur ky ishte bërë pjesë e një atentati.
Aktualisht hetimin e ka marrë në dorë prokurori. Hetimi ka shumë pista. Ka dy elementë që janë problematikë dhe ngjall edhe vëmendjen, por që krijoi edhe problematikën për vijimësinë e kësaj ngjarje. Kemi një grup autorësh që veprojnë si komando. Nuk janë vrasës amatorë. Ne ende nuk kemi atë makinë e djegur që është djegur. Fakti që ky grup ka hyrë në ngjarje më këtë lloj organizmi, nuk është hera e parë që përdoret veshja e forcave speciale”, tha gazetari.
Financuar Nga Bashkimi Europian
