Bisedimet Prishtinë-Beograd, zv.presidenti i Këshillit të Atlantikut takon krerët e Kosovës

Bisedimet mes Prishtinës dhe Beogradit janë në qendër të takimeve të zëvendëspresidentit të Këshillit të Atlantikut, Damon Wilson, i cili është ndalur për një vizitë zyrtare në Prishtinë, gjatë së cilës është takuar me krerë të institucioneve të Kosovës.

Kosovo’s DepPM @Enver_Hoxhaj briefs @AtlanticCouncil #BalkansForward Congressional Fellows aa we kick off our regional tour. Pristina-Belgrade dialogue tops our agenda but also reforms required to provide a bright future for Kosovo’s young population. pic.twitter.com/DdxzKo2WTB

— Damon M. Wilson (@DamonMacWilson) May 26, 2019

Sipas komunikatave zyrtare të udhëheqësve të Kosovës, me zotin Wilson është biseduar për të ardhmen e vendit, duke nënkuptuar këtu reformat e nevojshme në favor të popullsisë së Kosovës, por edhe për bisedimet me Serbinë dhe mbështetjen e Këshillit të Atlantikut ndaj Prishtinë në këtë proces të rëndësishëm. Presidenti i Kosovës, Hashim Thaçi, përmes zyrës së tij pohon se është bërë vërejtje se, “mungesa e një marrëveshjeje ndërmjet Kosovës dhe Serbisë mund të ketë pasoja për sigurinë dhe qëndrueshmërinë në rajon, duke hapur kështu udhë elementëve antieuropianë”. Ndërsa kryeparlamentari Kadri Veseli ka theksuar se prej nga Shtetet e Bashkuara një rol më aktiv për të mbështetur Kosovën në procesin e bisedimeve. https://www.facebook.com/RamushHaradinajOfficial/posts/1189989411125471 Ramush Haradinaj, kryeministër i Kosovës, ka zgjedhur rrjetin social Facebook për të thënë se “Kosova është e gatshme të arrijë një marrëveshje paqeje me Serbinë, por asnjëherë duke shkelur Kushtetutën apo cënuar territorin e vendit”. “Synimi përfundimtar i vendit tonë është dinamizmi i konsolidimit të shtetit dhe në këtë rrugëtim, mbështetja e Shteteve të Bashkuara mbetet jetike”, shkruan Haradinaj pas takimit me Wilson. Këshilli Atlantik është një forum për çështjet ndërkombëtare, që nxjerr shpesh raporte për rajonin e Ballkanit Perëndimor, ku bën thirrje që komuniteti euroatlantik të përqëndrohet në të.