Flash News

Bota

Jo vetëm meme në rrjet, imazhi i senatorit Bernie Sanders po përdoret edhe për një qëllim human  

Jo vetëm meme në rrjet, imazhi i senatorit Bernie Sanders po

Një fotografi vlen sa një mijë fjalë. Dhe në këtë rast, më shumë se 100,000 meme.

Imazhi nga inaugurimi i Presidentit Joe Biden i senatorit Bernie Sanders me maskë anti-covid, i ulur me këmbët e kryqëzuara, teksa kishte veshur dorezat kafe dhe të bardha bëri bujë në rrjet.

Imazhi i tij u kthye menjëherë në një sensacion mbarëkombëtar, pasi të gjithë telespektatorët që e ndoqën nga shtëpia inaugurimin presidencial të Joe Biden, e shndërruan në një meme.

Fotoja u shpërnda kudo, pasi amatorë dhe profesionistë e futën pozën e Sanders në piktura klasike, fotografi filmash, kopertina albumesh, foto historike dhe meme të tjera. Megjithatë, fotoja e tij virale tashmë po përdoret për një qëllim të mirë, për bamirësi.

“Chairman Sanders Crewneck” është një projekt ekskluziv, i cili do të shpërndajë bluza me memen e Sanders dhe të ardhurat që do të mblidhen nga fushata Sanders do të shkojnë për familjet në nevojë, në Wheels Vermont.

Ditari politik

Të fundit