Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Bota

Santorini goditet nga mijëra tërmete, BBC: Rritet pasiguria në ishullin grek!

Politiko 7 Shkurt 2025, 08:56

Santorini goditet nga mijëra tërmete, BBC: Rritet pasiguria në

Aktiviteti sizmik i pazakontë ka tronditur ishullin grek të Santorinit, duke detyruar autoritetet të shpallin gjendjen e jashtëzakonshme për një muaj, deri më 3 mars. Të enjten në mbrëmje, dy tërmete të tjera, me magnitudë 4.6 dhe 4.2, u regjistruan në detin midis Santorinit dhe ishullit Amorgos, duke shtuar panikun mes banorëve dhe autoriteteve, shkruan BBC. 

Më shumë se 11,000 njerëz janë larguar nga ishulli pasi tërmetet po regjistrohen me një intensitet të lartë, në interval minutë pas minute. Sipas ekspertëve, ky fenomen është i rrallë dhe i paparë më parë në Greqi. “Jemi në mes të një krize sizmike,” tha Dr. Athanassios Ganas nga Observatori Kombëtar i Athinës.

Frika nga plaçkitjet dhe cunami

Për shkak të evakuimeve masive, në Santorini kanë nisur patrullimet e natës për të parandaluar rastet e mundshme të plaçkitjeve. Ata që kanë mbetur në ishull po përpiqen të mbrojnë veten nga një cunami i mundshëm duke ngritur barriera të improvizuara me thasë rëre përgjatë plazhit Monolithos.

Paralajmërimet e sizmologëve

Tërmetet e vazhdueshme kanë çoroditur shkencëtarët, pasi ato nuk ndjekin një model të zakonshëm. Lëkundja më e fortë deri më tani ishte 5.2 ballë, e regjistruar të mërkurën, ndërkohë që autoritetet janë në gatishmëri për një tërmet edhe më të fuqishëm.

Kryeministri grek Kyriakos Mitsotakis, i cili do të vizitojë ishullin të premten, ka siguruar se të gjitha masat e emergjencës janë marrë: “Forcat janë zhvendosur në Santorini dhe ishujt e tjerë për çdo rast.”

Santorini ndodhet në Harkun Vullkanik Helen, por ekspertët theksojnë se lëkundjet janë të lidhura me lëvizjet e pllakave tektonike, jo me ndonjë aktivitet vullkanik. Ndërkohë, mbetet e paqartë se sa do të zgjasë kjo krizë sizmike, me paralajmërime se tërmetet mund të vazhdojnë për javë të tëra.

Të fundit