Delegacionet diplomatike të disa vendeve dhe institucioneve të arkedituara në Shqipëri, kanë shpërndarë një mesazh të përbashkët lidhur me situatën e krijuar nga koronavirusi në Shqipëri. Në mesazh theksohet vlerësimi dhe mirënjohja ndaj punonjësve të shëndetësisë, që po përballen në vijën e parë të frontit me koronavirusit. Gjithashtu, në mesazhin që është shpërndarë në faqen zyrtare të ambasadës së SHBA, ambasadat e quajnë lajm të mirë faktin që ditët e fundit në Shqipëri “nuk ka një rritje shpërthyese” të infektimeve.
“Ka qenë një javë e vështirë – por lajmi i mirë është që nuk po shohim një rritje shpërthyese të infektimeve. Është shumë e rëndësishme që të respektohen masat që japin rezultat: distancimi fizik, të qëndruarit në shtëpi, larja e duarve, mbështetja emocionale e njëri-tjetrit. Falenderim i pamasë për ju, punonjësit e vijës së parë që po ndihmoni në mbrojtjen e të gjithë Shqiptarëve:
Punonjës të shëndetit, punonjës të policisë, punonjës të bizneseve jetikë, punonjës të shpërndarjes, ofrues të shërbimeve thelbësore – por veçanërisht mirënjohje për punonjësit e shëndetësisë. Respekti ynë më i madh për ju”, shkruhet në mesazhin, kun ë fund gjenden logot e disa nga delegacionet diplomatike më të rëndësishme në vend si: Bashkimimi Europian, Banka Botërore, Ambasada e SHBA, Zvicrës, Gjermanisë, Zvicrës, OSBE, Kombeve të Bashkuara etj.
Ka qenë një javë e vështirë – por lajmi i mirë është që nuk po shohim një rritje shpërthyese të infektimeve. ËSHTË SHUMË E RËNDËSISHME QË TË RESPEKTOHEN MASAT QË JAPIN REZULTAT: distancimi fizik, të qëndruarit në shtëpi, larja e duarve, mbështetja emocionale e njëri-tjetrit. pic.twitter.com/IFFSyXDBrP
— USEmbassyTirana (@USEmbassyTirana) March 29, 2020
Financuar Nga Bashkimi Europian
