Ditari i Maxhorancës

"E ka mbushur kupën!", deputeti i PS kërkon izolimin e Metës: Nuk janë të nevojshme hetimet e BKH-së, do ta bëjë kushëriri im Olsian Çela

"E ka mbushur kupën!", deputeti i PS kërkon izolimin e

Deputeti i PS-së për Lushnjen, Bujar Çela, ka surprizuar me deklaratën e tij ditën e djeshme, kur nga foltorja e Kuvendit, i kërkoj kryeprokurorit Olsian Çela, izolimin sa më të shpejtë të Metës. Gjatë fjalës së tij në Parlament, referuar ligjit për metrologjinë, të sapo miratuar nga legjislativi, deputeti socialist është ndalur për një moment të presidenti Meta, për të cilin tha se e kishte mbushur kupën.

Sipas socialistit, nuk ishin të nevojshme as hetimet e BKH-s, dhe se kryeprokurori Olsian Çela, për të cilin tha se e kishte kushëri, duhej të bënte sa më shpejt izolimin e Metës.

“Ne kemi plot probleme, por ky grip, që unë do e quaja, një zjarr në mbarë globin, i cili na bën që të kemi edhe frikë dhe na ndërgjegjëson më shumë për t’u mbrojtur më shumë. Në rast se nuk mbrojmë veten, duhet të mbrojmë të tjerët. Është detyra jonë të dëgjojmë çdo organ këshillimor, të cilët ju qytetarë të dashur duhet t’i mirëkuptoni dhe jo t’i quajmë si teka, në mënyrën që i trajton opozita apo ‘pseudo presidenti’ jonë.

Unë nga kjo foltore inkurajoj kushëririn tim, kryeprokurorin, Olsian Çela, se ne Çelajt, si fis i madh që jemi, na bien detyra shumë të rëndësishme, që mos të merret me hetim, por të bëjë izolimin e këtij njeriu, i cili ka mbushur kupën me të gjitha gjërat.

Këtë gjë nuk e duan vetëm Çelajt, e duan edhe Metët, e duan edhe ata nga Skrapari, Tepelena, Tirana, Durrësi, se kudo, si fis i madh që jemi kemi lloj-lloj brenda nesh. Nuk ka nevojë ta hetojë BKH-ja, por duhet ta izolojë. Ju faleminderit shumë dhe ju ftoj që t’i votojmë të gjitha ligjet që janë sot në rendin e ditës”, tha Bujar Çela.

Ditari politik

Të fundit