Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

"Do konsultohemi me PD për emrin e Presidentit të ri", Rama: Meta duhet të shkarkohet si personifikim i anti-shtetit

Politiko 10 Maj 2021, 10:42
"Do konsultohemi me PD për emrin e Presidentit të ri", Rama:
Ilir Meta, Edi Rama

Në takimin që po zhvillon me deputetët e PS në Pallatin e Brigadave, kryeministri Edi Rama foli edhe për shkarkimin e Presidentit Ilir Meta. Ai u shpreh se me Metën dhe LSI-në, PS nuk do të ketë bashkëpunim.

Rama akuzoi Kreun e Shtetit se ka 'turpëruar' Shqipërinë, ndërsa e quajti një personazh grotesk. Sipas kryesocialistit, Meta duhet të shkarkohet nga detyra "si personifikim i anti-shtetit".

Sa i përket zëvëndësimit të Presidentit të Republikës, në rast se Meta shkarkohet, Rama tha se do të konsultohet me Partinë Demokratike.

“Me Ilir Metën dhe partinë e tij nuk ka dhe nuk mund të ketë asnjë bashkëpunim. Ilir Meta duhet të shkarkohet nga detyra si personifikim i anti-shtetit i ndëshkuar nga populli shqiptar në 25 prill.

Një personazh grotesk që e turpëron Shqipërinë, që e turpëron shoqërinë shqiptare, që turpëron çdo qytetar normal të këtij vendi me praninë e tij në krye të shtetit. Shkarkimi i Ilir Metës nuk është i gjithi në dorën tonë, por ne do bëjmë gjithçka kemi në dorë për ta çminuar institucionin e presidentit duke votuar në bllok shkarkimin.

Dua ta bëj të qartë që ky shkarkim nuk ka lidhje me asnjë motiv tjetër, përveç pozicionimit tonë publik në anën e shumicës dërrmuese të shqiptarëve, të cilët nuk duan ta shohin Ilir Metës në rolin e Presidentit të Republikës.

Është shumë herët për të folur për zëvendësimin dhe zëvendësuesin e tij, por në çdo rast qoftë para kohe, qoftë në kohë, në varësi si do shkojë ky proces, ne do konsultohemi me PD për emrin presidentit të ri”, tha Rama.

Socialistët kanë ngritur një Komision Hetimor për shkarkimin e Metës, me arsyetimin se ka shkelur Kushtetuën, ka mbajtur anën e opozitës dhe se ka shpërndarë mesazhe dhune. Komisioni ka afat një muaj për të mbledhur prova kundër Presidentit dhe më pas është Kuvendi që do të vendosë për shkarkimin ose jo të Metës.

Kjo është nisma e dytë e PS-së për shkarkimin e Metës. Nga ana tjetër, ky i fundit është shprehur se nuk do të njohë asnjë vendim të Kuvendit, duke e quajtur atë ilegjitim. Presidenti ka deklaruar se do të qëndrojë në detyrë deri në fund të mandatit, në korrik të 2022-it.

Të fundit