Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

Dorëheqje me regji nga Tirana, Rama 'pastron' bashkinë e Vlorës: Ka parazitë dhe të zotë për shërbim

Politiko 7 Korrik 2025, 11:43

Dorëheqje me regji nga Tirana, Rama 'pastron' bashkinë e

Edhe pse dorëheqja e 21 drejtorëve të Bashkisë së Vlorës është urdhëruar prej vetë tij, kryeministri Edi Rama ka deklaruar nga qyteti bregdetar se këta drejtues janë larguar me vullnetin e tyre, pasi kuptuan se nuk i hynin në punë bashkisë.

Nga Vlora, kreu i qeverisë tha se të gjithë drejtuesit do të zëvendësohen me figura të reja, ndërsa asnjëri prej tyre nuk do të rikthehet më në pozita drejtuese. Sipas Ramës, dorëheqjet janë pjesë e një “kulture të re politike”, ku emërimet do të bazohen në meritë dhe vullnet për t’i shërbyer qytetit.

“Drejtorët e bashkisë së dorëhequr kanë treguar se janë të papërshtatshëm për ta kryer atë detyrë Ndërkohë që atyre mund t’ju jepen mundësi të reja në të ardhmen. Por dua t’i bëj thirrje që të gjithë ata që vijnë të shërbejnë siç duhet. Ne do të jemi shumë kërkues sa i përket shërbimeve dhe emërimit të tyre sipas meritës E njëjta gjë do të vlejë edhe për drejtuesit e institucioneve qendrore në Vlorë të cilët janë dorëhequr. Asnjë person që ka mbuluar funksionet publike nuk do të rimerret si drejtues në këtë fazë. Të gjithë drejtuesit do të merren të rinj, të gjithë janë të mirëpritur të kontribuojnë më shumë për qytetin”, tha ai.

Vlerësimin për kryetarët e PS, Rama tha se do ta bazojë në shërbimin që i kanë bërë partisë më 11 Maj.

Kryesocialisti vijoi më tej duke i ndarë kryebashkiakët në kategori, nga njëra anë parazitët dhe nga ana tjetër njerëzit që sipas Ramës, janë të gatshëm t’i shërbejnë Vlorës.

“Të gjithë kryetarët e organizatës politike do të vlerësohen sipas shërbimit të tyre në 11 Maj. Ndërkohë partia do të hapet totalisht për të krijuar grupe të reja për të ftuar individ të rinj të jenë kontribues do të hapen edhe grupet me qytetarët për të evidentuar çdo gjë në terren në kohe reale.

Këtu nuk ka të majtë edhe të djathtë këtu tek ne, ka parazitë dhe njerëz që janë të gatshëm për t’i shërbyer Vlorës. Parazitët janë edhe të majtë edhe të djathtë ndërsa edhe këta që janë të aftë janë edhe të majtë edhe të djathtë ne jemi me këta të dytët pavarësisht ngjyrimeve politike. Kjo është qasja që ne kemi zgjedhur dhe besoj se do kjo qasje do të sjellë vetëm gjëra të mira të Vlorës”, deklaroi Rama.

Të fundit