Alarm për privatësinë/ Rama legjitimon skandalin e pagave: Do t'i bëjmë rrogat publike çdo vit

Kryeministri Edi Rama zhvilloi një konferencë me informalitetin. Gjatë fjalës së tij ai u ndal në disa pika, mes tyre edhe në skandalin e rrjedhjes së pagave.

Rrjedhja e pagave

Rama tha se rrjedhja e pagave pati edhe efekt pozitiv. Sipas tij, bizneset “kanë reaguar pozitivisht duke reflektuar ndryshimet në lidhje me pagat e punonjësve”.

Kreu i qeverisë bëri me dije se në Këshillimin e ardhshëm Kombëtar qeveria do të pyesë qytetarët nëse duhet publikuar lista e pagave të qytetarëve. E teksa Rama e sheh si pozitive, bëra publike e pagave nuk u prit mirë nga qytetarët.

Disa muaj më parë, në rrjete sociale, në shkelje të plotë me të drejtën e qytetarëve, pagat dhe të dhëna të tjera private të tyre qarkulluan në rrjete sociale.

Çështja u ndoq në rrugë ligjore, pasi ishte cënim flagrant e të drejtës për së privatësisë. Çdokush mund të kishte akses në në të dhënat personale të qytetarëve. Këtë skandal, Rama mesa duket synon ta legjitimojë.

“Dalja e pagave në publik. Mendojmë që është e udhës që në këshillimin e ardhshëm kombëtar do i pyesim shqiptar nëse është më mirë që njëherë në vit ti’i bëjmë të gjitha pagat publike”, tha Rama.

Paralajmërimi

Kryeministri paralajmëroi se do të ketë një nismë që përfshin kontrollet për individët që deklarojnë më pak të ardhura dhe bëjnë një jetesë të shtrenjtë, që nuk justifikohet me paratë që ata fitojnë.

“Ne do të shkojmë më tutje në ballafaqimin e pagave të deklaruara me stilin e jetesës.Kjo vlen për ata që marrin paga të larta dhe i shmangen deklarimeve në mënyra të ndryshme.

Ka një nismë për mbylljen e asaj hapësirë kur luhet nga individët për t’u shfaqur si subjekte fizike. Do ecim me kontrolle për boshllëqet që lidhen me deklarimin e të ardhurave me stilin e jetesës. Nuk mund të kesh të ardhura X dhe të kesh shtëpia dhe të ardhura që nuk blihen kurrë me ato të ardhura”, deklaroi Rama.

Nga data 1 qershor do të ndryshojë edhe ligji i tatimit mbi të ardhurat. Ministrja e Financave Delinda Ibrahimaj tha se “Nga data 1 qershor do paraqesim ligjin e ri të tatimit mbi të ardhurat që do targetojë profesionet e lira ato që sot individët çelin biznese ua shesin të tjerë bizneseve si shërbime duke eleminuar pagesën e taksave”.