Flash News

Krimi elektoral në Belsh, Prokuroria e Elbasanit 4 punonjës të IMT pas kallëzimit të PD

Incident në Giro d’Italia, qytetari përplaset nga çiklisti

PD kundër kërkesës së PS për shtyrjen e orarit të votimit në Vlorë: Abuzim me procesin zgjedhor

I kërkuar në Shqipëri për vrasje, arrestohet në Greqi Ardian Ahmetaj, shoku i Laert Haxhiut

Dita e dytë e “Giro d’Italia 2025”, rrugët që do bllokohen në Tiranë

Ditari i Maxhorancës

Shkarkimi i Metës/ Miratohet propozimi për ngritjen e Komisionit Hetimor, socialistët: Presidenti po synon të djegë afatet

Politiko 6 Maj 2021, 12:12
Shkarkimi i Metës/ Miratohet propozimi për ngritjen e Komisionit
Mbledhja e Komisionit të Ligjeve

Me 14 vota pro dhe një kundër (Adriatik Alimadhi) Komisioni i Ligjeve ka miratuar propozimin për ngritjen e një Komisioni Hetimor për shkarkimin e presidentit Ilir Meta. Kjo është herë e dytë që socialistët e marrin këtë nismë.

Në përfundim të mbledhjes, kreu i Komisionit të Ligjeve Ulsi Manja deklaroi: “Vendosim t’i propozojmë Kuvendit të Shqipërisë ngritjen e një Komisioni Hetimor Parlamentar për të hetuar shkeljet e kushtetutës nga ana e presidentit të Repubilikës”.

Relatorja Klotilda Bushka tha se Meta ka bërë shkelje flagrante para, gjatë dhe pas zgjedhjeve të 25 prillit.

"Kërkesa është në përputhje me bazën ligjore. Sa i përket çështjet substanciale Presidenti i Republikës ka bërë shkelje të rënda të Kushtetutë.  Kërkesa për shkarkim është një panorama e qartë e të gjitha shkeljeve që listohen atje, dhe kanë të bëjnë me shkelje flagrante para, gjatë dhe pas zgjedhjeve të 25 prillit", u shpreh Klotilda Bushka.

Një ditë më parë ishte deputetja Vasilika Hysi, e cila ngriti këto akuza, duke thënë se Meta ka nxitur dhunë dhe ka turbulluar politikën.

Kreu i Shtetit nuk mori pjesë në sëancën e sotme, për shkak të axhendës së ngarkuar, ndërsa u shpreh i gatshëm të zhvillojë seancë dëgjimore më 10 maj. Por sipas socialistëve, Meta synon që të nxjerrë jashtë afateve punën e Kuvendit për shkarkimin e tij.

"Nëse e ngremë komisionin para datës 9 maj, veprimtaria do shtrihet deri në datën 9 korrik është sërish në përputhje me Kushtetutën. Meta për t'u dëgjuar në datën 10 është kërkesë opozitare, prandaj Meta kërkon në datën 10 se është jashtë afateve. Duhet të jetë i dënueshëm dhe është në vijim të kësaj sjellje, duke anashkaluar, nënvlerësuar Kuvendin e Shqipërisë. Jemi në përputhje me ligjin", tha deputeti Alket Hyseni.

Të fundit