Flash News

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Ditari i Opozitës

PD reagon pas vendimit të Qeverisë për faljen e gjobave: Shkelje flagrante e ligjit, tentativë për të manipuluar zgjedhjet

Politiko 9 Maj 2025, 18:08

PD reagon pas vendimit të Qeverisë për faljen e gjobave: Shkelje

Partia Demokratike ka reaguar ashpër ndaj vendimit të qeverisë për të falur gjobat administrative të vendosura në një periudhë dhjetëvjeçare, vetëm dy ditë para zgjedhjeve parlamentare.

Në një deklaratë zyrtare, PD e cilëson këtë akt si një shkelje arbitrare të ligjit dhe të barazisë në garën elektorale, duke akuzuar Kryeministrin Edi Rama për përdorim të institucioneve shtetërore në funksion të fushatës.

Sipas opozitës, kjo është një goditje e drejtpërdrejtë ndaj integritetit të procesit zgjedhor dhe një shpërfillje e hapur e rekomandimeve të OSBE-ODIHR dhe të rezolutës së Partive Popullore Europiane.

TIRANA- Deklaratë e Partisë Demokratike të Shqipërisë

Në shkelje të Kodit Zgjedhor dhe të barazisë në garë, në ditën e fundit të fushatës, Kryeministri në ikje ka firmosur një amnisti të gjerë, duke shkelur arbitrarisht, në mënyrën më anti-europiane të mundshme, ligjin dhe rregullat e garës.

I njëjti që i terrorizoi për 12 vjet me taksa, gjoba dhe përndjekje, tani bën si i mëshirshëm. Nuk ka asnjë pikë dhembshurie në zemrën e tij, por vetëm oreks për të prishur garën, për të ndryshuar vullnetin e zgjedhësve, për të bërë hile, duke përdorur makinerinë e shtetit në ndihmë të partisë.

Ka bërë të njëjtën gjë para dy vjetësh kur, në mes të fushatës, u dha bonus 670 mijë pensionistëve. KQZ në atë rast bëri një interpretim lukashenkian, duke thënë se, në zgjedhje lokale i lejohej, por jo në të përgjithshme. Tani ligji shkelet në zgjedhje të përgjithshme.

Çfarë ka për të thënë z. Celibashi?!

Po SPAK dhe Prokuroria, që kanë ngritur task-forca për manipulimin e zgjedhjeve, çfarë kanë për të thënë për këtë megashkelje?

Partia Demokratike e ka në programin e saj elektoral amnistinë e gjobave dhe të faturave të papaguara, por për shtresat në nevojë, për të pamundurit, jo për abuzuesit. Premtimi ynë qëndron, por asnjëherë në shkelje të ligjit, dhe në prishje të barazisë në zgjedhje.

Me këtë veprim Edi Rama shpërfill hapur rekomandimet e OSBE-ODIHR dhe rezolutën e PPE, e cila e kushtëzon integrimin e vendit me respektimin e ligjeve dhe rregullave të demokracisë. Edi Rama është një gjobvënës: që nga 20 përqindëshi i lejeve si kryebashkiak, dhe deri te qindra milionat e incineratorëve. Me paraqitjen e rrejshme si gjobëfalës në vitin e 12-të të pushtetit, nuk gënjen askënd.