Flash News

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Ditari i Opozitës

LaCivita në mbylljen e fushatës: Shkarkoni Edi Ramën nga puna, besoni të ardhmen e vendit te doktor Berisha

Politiko 9 Maj 2025, 20:31

LaCivita në mbylljen e fushatës: Shkarkoni Edi Ramën nga puna,

Strategu amerikan Chris LaCivita mbajti sërish një fjalim në mitingun përmbyllës të Partisë Demokratike dhe Aleancës për Shqipërinë Madhështore.

Ai u kërkoi shqiptarëve të dalin e të votojnë në 11 maj dhe të pushojnë nga puna, Edi Ramën, ndërsa të ardhmen e vendit t'ia besojnë një mjeku, dotkor Berishës. 

Fjala e plotë:

Uau! Jam gjithmonë i impresionuar nga përmasa e turmave. Faleminderit, Shqipëri! Faleminderit për mirësinë tuaj, mbështetjen tuaj dhe për dhënien e shpresave dhe ëndrrave tuaja për një të ardhme më të mirë.
Shqipëria, siç e dëgjuam më herët, ndodhet në një udhëkryq, jo vetëm për ëndrrat tuaja dhe të familjes suaj, por edhe për pozicionin e këtij vendi në skenën ndërkombëtare. Shqipëria nuk mund të përballojë një mandat tjetër të Edi Ramës. Korrupsioni, gjendja e dështuar ekonomike që ka shkatërruar familjet, mungesa e mundësive të qëndrueshme të punësimit, të gjitha gjërat që përcaktojnë lumturinë tuaj, Edi Rama ua ka marrë.
Por ju keni një mundësi historike, një mundësi për t’i treguar botës se populli shqiptar i refuzon politikat e së shkuarës, se nuk do të intimidoheni dhe se nuk do të ndaloni së luftuari për familjet tuaja. Por kjo ndodh vetëm nëse ju dilni dhe votoni. Merrni me vete miqtë, familjen, fqinjët dhe largoni Edi Ramën nga pushteti.
Në një Shqipëri të re me Doktor Berishën, keni një njeri që ka shpëtuar jetë. Pse të mos ia besoni të ardhmen e Shqipërisë një mjeku? Një doktor që ka shpëtuar jetë, pse të mos ia besoni të ardhmen e vendit?
Një plan i vërtetë. Një plan i vërtetë për të rregulluar ekonominë dhe për t’i dhënë fund korrupsionit. Dhe një plan i vërtetë që do ta bëjë jetën tuaj më të mirë.

Unë vij sot këtu tek ju si një amerikan që sheh një të ardhme të ndritur për një vend të madh dhe për një popull të madh. E gjithë bota po e ndjek këtë zgjedhje. Votoni për të ardhmen tuaj, ajo varet prej saj.
Faleminderit, Shqipëri, dhe Zoti e bekoftë vendin tuaj.
Fitore, fitore, fitore!

 

 

Të fundit