Flash News

E rëndë në Tale të Lezhës! Ekzekutohet në oborrin e banesës 57-vjeçari

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Ditari i Opozitës

Arrestimi i Veliajt, Teliti: Ka kaluar afati ligjor prej 3 muajsh, Tirana të ketë kryetar të ri të zgjedhur

Politiko 10 Maj 2025, 14:14

Arrestimi i Veliajt, Teliti: Ka kaluar afati ligjor prej 3 muajsh, Tirana

Nënkryetari i Këshillit Bashkiak të Tiranës, Dorian Teliti kërkoi mbledhje urgjente të këshillit për të diskutuar shkarkimin e Erion Veliajt, i cili ndodhet në burg që prej 10 shkurtit.

Duke folur në MCN, Teliti tha se ka kaluar afati ligjor prej tre muajsh mungese, çka e bën të mundur nisjen e procedurave për shkarkim dhe hapjen e rrugës për zgjedhjen e një kryetari të ri të Bashkisë së Tiranës, përmes votës së qytetarëve.

Sipas tij, aktualisht bashkia po drejtohet në mënyrë jolegjitime nga të emëruar e jo nga një përfaqësues i zgjedhur me votë.

“Bazuar në ligjin për vetëqeverisjen vendore, pas mungesës së vazhdueshme të kryetarit të Bashkisë Tiranë për më shumë se tre muaj, Këshillit Bashkiak i lind e drejta të marrë në shqyrtim dhe të votojë për shkarkimin e tij. Kjo situatë është aktualizuar nga arrestimi i Erion Veliajt më 10 shkurt, çka do të thotë se më 10 maj janë përmbushur kushtet ligjore për të diskutuar zëvendësimin e tij.

Opozita kërkon që Këshilli Bashkiak të mblidhet menjëherë në një seancë të posaçme për të vendosur nëse do të shkarkohet Erion Veliaj nga posti i kryebashkiakut dhe për të hapur rrugën drejt mbajtjes së zgjedhjeve të reja për Bashkinë e Tiranës.

Argumenti kryesor është se aktualisht Bashkia e Tiranës po drejtohet jo nga një kryetar i zgjedhur me votë, por nga zëvendësit e tij të emëruar, në mënyrë të pambështetur në legjitimitetin qytetar. Sipas opozitës, kjo gjendje është jolegjitime, jo morale dhe cenon funksionimin demokratik të institucionit.

Pavarësisht se opozita nuk i ka numrat për të siguruar shkarkimin e Veliajt, kërkohet që mocioni të diskutohet dhe të hidhet në votë në respekt të ligjit dhe transparencës publike. Vendimin përfundimtar do ta marrë shumica prej 61 këshilltarëve bashkiakë, përfshirë edhe ata të mazhorancës.

Për opozitën, kjo nismë nuk është lojë politike, por një kërkesë legjitime që qytetarët e Tiranës të kenë një kryetar të ri të zgjedhur me votë, i cili do të drejtojë Bashkinë deri në përfundimin e mandatit aktual në vitin 2027.”, tha Teliti.

Të fundit