Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

"20 territore sportive u kthyen në banesa", Malltezi: SPAK nuk vepron për Ramën, kurse Berishën e ndjek penalisht

Politiko 25 Nëntor 2025, 12:04

"20 territore sportive u kthyen në banesa", Malltezi: SPAK nuk

Drejtuesi i Departamentit të Mjedisit në PD, Jamarbër Malltezi hodhi akuza ndaj SPAK-ut, duke e akuzuar për një drejtësi me regji që mbron kryeministrin Edi Rama dhe aleatët e tij, ndërkohë që ndjek penalisht kryedemokratin Sali Berisha.

Në një prononcim për mediat para se të hynte në seancën në Gjykatën e Posaçme Kundër Korrupsionit dhe Krimit të Organizuar , Malltezi tha se SPAK nuk ka ndërmarrë asnjë veprim hetimor ndaj Ramës, pavarësisht se sipas tij 20 territore sportive janë kthyer në banesa për klientë të kryeministrit.

Ai shtoi se për Berishën SPAK pretendon se ka përdorur VKM ose ligje të personalizuara, ndërsa në të njëjtën kohë, të njëjtat praktikë janë zbatuar nga Rama pa asnjë pasojë.

"Do SPAK-u, të hetojnë së bashku është miku i Edi Ramës, nuk bën asnjë gjë nga këto. Me një copë letër, me katër VKM të personalizuara, mund të vjedhësh tokë dhe objekt i caktuar për shkollë. Tani, ky që i vjedh tokën dhe objektin e caktuar për shkollë, ky që merr katër VKM të personalizuara, është në rregull sipas SPAK-ut. Problemin e kanë pronarët e ligjshëm. Këto që e kanë problemin. Këtu kemi të bëjmë me një drejtësi me regji, në të cilën SPAK-u tashmë është, ëh, ka dalë lakuriq. Ka dalë lakuriq sepse pretendoi që Berisha kishte bërë VKM apo ligje të personalizuara. Në fakt ka dalë që i ka bërë Edi Rama.

Po SPAK-u, për dijeninë tuaj, s'ka asnjë akuzë ndaj Edi Ramës, as për ligj, as për VKM të personalizuar. Çfarë thotë tashmë SPAK-u? Thotë që, jo, vërtet s'ka asnjë ligj apo VKM të personalizuar, po ne dyshojmë që sjellja e Berishës nuk ka qenë. Ne kemi dhënë 31 fakte kokëforta për ta ballafaquar me sjelljen. Një prej këtyre fakteve ka të bëjë me këtë. A kemi VKM dhe ligje të personalizuara? A duhet të ishin ato problematike? Në rast se ishin, pse nuk ka për Edi Ramën? Tjetra, SPAK-u në krye të herës tha që territoret sportive janë shumë të nevojshme për Tiranën, sepse dyshoi që i kishte bërë Berisha. Tani ka dalë që ka bërë jo një, po 20 territore sportive i ka kthyer në banime Edi Rama. Për klientët e vet, për banditët që i çojnë trastat. SPAK-u, ka çuar Edi Ramën ose ndonjë nga banditët e Edi Ramës? Asnjë. Pra, kemi të bëjmë me një drejtësi me regji, kemi të bëjmë me prokurorë të nënshtruar politikisht, po ne do përballemi," tha Malltezi