Flash News

Ditari i Opozitës

6 vite nga vdekja e Ardit Gjoklajt, deputetja: Fajtorët janë me kostume dhe ende qeverisin

6 vite nga vdekja e Ardit Gjoklajt, deputetja: Fajtorët janë me

Deputetja demokrate, Ina Zhupa ka kujtuar 6 vjetorin e vdekjes së Ardit Gjoklajt, të miturit që humbi jetën në landfillin e Sharrës në gusht të 2016-ës.

Zhupa thotë se ende nuk ka fajtor, ndërsa nënvizon se PD nuk do të rreshtë së kërkuari drejtësi për të.

Sipas saj, landifilli i Sharrës është skenë dyfishe krimi, që vetëm drejtësia shqiptare nuk e shikon. Zhupa nënvizon se fajtorët janë me kostume dhe ende qeverisin, ndërkohë familja pret drejtësi

“Kujtojmë Arditin dhe nuk do rreshtim kurrë të kërkuari drejtësi për të.

Fajtorë ende nuk ka! Drejtësi ende nuk ka! Landfilli i Sharrës sot quhet “incenerator” kryhet një krim tjetër ndaj qytetarëve. Ajo është skenë dyfishe krimi që vetëm drejtësia shqiptare nuk e shikon.

Arditi ishte fatkeqi që donte të mblidhte pak para për librat e shkollës dhe gjeti vdekjen nga kushtet zero që bashkia lejonte të punohet nën hundën e saj. Fajtorët janë me kostume dhe ende qeverisin, ndërkohë familja pret drejtësi”, shkruan ajo.

Të fundit