Flash News

Plagoset me armë zjarri një person në Vorë

Punonjësi i Gardës tenton vetëv*asjen në Qytet Studenti

Rama premton nga Luksemburgu, me drejtësinë 'e pavarur' do të luftojë korrupsionin

Ministri i Jashtëm hungarez: BE po humbet peshën, të përshpejtohet procedura e zgjerimit

Skemë mashtrimi me TVSH-në, Prokuroria e Durrësit lëshon urdhërarreste për 4 drejtues të bizneseve të ndërtimit në Fushë Krujë

Ditari i Opozitës

A ka negociata Basha-Berisha për një vend në listën e deputetëve? Boçi: Respektojmë vullnetin e tij

Politiko 10 Shtator 2024, 15:44

A ka negociata Basha-Berisha për një vend në listën e

Bashkimi i të gjitha fraksioneve të Partisë Demokratike para zgjedhjeve të 2025 ishte një nga pikat që Luçiano Boçi e cilësoi si tepër të rëndësishme gjatë intervistës në A2 CNN.

“E kemi sqaruar pozicionin e zotit Basha. Ka zgjedhur vetë zoti Basha që të jetë jashtë PD. Ata që e zgjedhin me vullnetin e tyre deklarativ unë besoj se kanë përcaktuar pozicionin e tyre.

Në politikë nuk ka gjëra që ekzistojnë përgjithmonë, por ka gjëra që njeriu i ka në dorë ti vendosë vetë përgjithmonë. Zoti Basha ka vendosur vetë që përgjithmonë të largohet nga PD, të largohet nga demokratët. Është zgjedhja e tij dhe le të vazhdojë në rrugën e tij”, tha Boçi.

I pyetur lidhur me zërat që tregojnë se ka negociata midis Sali Berishës dhe Lulzim Bashës për ta akomoduar këtë të fundit në  listën e PD për zgjedhjet e 2025, Boçi e përjashtoi këtë mundësi.

 “Ishin të gjitha kushtet dhe rrethanat që kushdo mund të regjistrohej si fraksion në PD. Nuk ka një iniciativë të tillë, ajo tashmë duhet të ishte dorëzuar sepse afrohet dhe afati zgjedhor, por unë nuk jam rixhit në përcaktimin tim sepse nuk u nisa nga qëndrimet e mia personale apo politike, por iu referova deklaratave të zotit Basha.

Është ai që ka qenë taksativ në këtë ndarje dhe thjesht po rikujtoj për publikun se nuk është zgjedhja jonë, pasi duket sikur ne nuk e pranojmë, por është zgjedhja e tij, është vetë përjashtuar.

Nuk ka pranuar ai domethënë dhe përderisa nuk ka pranuar sigurisht që edhe ne jemi të vendosur të respektojmë vullnetin e tij. Le të vazhdojë rrugën që ka vazhduar deri tani”, sqaroi Boçi.

Të fundit