Basha: Jam në komunikim me BE-në, Rama kërkon të fshehë dështimin

Kryedemokrati Lulzim Basha

Kreu i Partisë Demokratike Lulzim Basha ka reaguar pas deklaratave të kryeministrit Edi Rama.

Në një prononcim për gazetarët nga selia blu, kryedemokrati tha se patur një komunikim në zoom, me përfaqësues të Parlamentit Europian, ku ka diskutuar për ndihmën që i kanë dhënë Shqipërisë dhe që do i japin në të ardhmen.

Basha akuzoi Ramën se ka vjedhur qytetarët dhe bizneset për të pasuruar klientët e qeverisë, duke theksuar se për shkak të dështimit të qeverisë aktuale sot Shqipëria është në një krizë ekonomike serioze.

“Sapo kam patur një komunikim në zoom, me përfaqësues të PE, ku kam folur për ndihmën e jashtëzakonshme që i kanë dhënë Shqipërisë dhe që do i japin në të ardhmen. Për shkak të dështimit të Edi Ramës Shqipëria është sot në krizë. Në tetë vite ka rritur taksat duke u marrë shqiptarëve më shumë. 40% pothuajse e të ardhurave të biznesit shkon kosto e taksave të rritura.

Kjo është arsyeja pse Shqipëria është vendi me krizën më të thellë ekonomike në rajon. Lajmi i mirë është se ditët e kësaj qeveria janë të numëruara. Tirja e qeverisë që u ka marrë para shqiptarëve, ku 97% e shqiptarëve paguajnë më shumë taksa dhe ua ka dhënë një grushti klientësh nuk mundet më të fshehë dështimin e  tij, duke fajësuar këdo edhe BE”, tha Basha.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm