Flash News

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Ditari i Opozitës

Bashkëpunim me Berishën për zgjedhjet lokale? Bardhi: Do bisedoj me Palokën, por nuk do ketë negociata

Politiko 10 Tetor 2022, 16:41

Bashkëpunim me Berishën për zgjedhjet lokale? Bardhi: Do bisedoj

Dora e shtrirë e Sali Berishës për deputetët që mbështesin Enkelejd Alibeajn duket se ka dhënë sinjalet e para në kampin blu. 

Ky grup mandatoi Gazment Bardhin për të kontaktuar çdo mundësi bashkëpunimi për zgjedhjet lokale dhe daljes me një kandidat të vetëm përballë PS.

Në një prononcim për mediat jashtë Kryesisë së Kuvendit, Bardhi tha se do të diskutojë me deputetin Edi Paloka, i cili është vendosur si “negociator” për zgjedhjet e ardhshme lokale, por nuk do të negociojë me të.

Sipas tij, do të diskutojnë lidhur me mundësinë e daljes me një kandidat të përbashkët.

“Në dijeninë time zoti Berisha ka caktuar zotin Paloka për të biseduar. Do të kontaktoj me zotin Paloka.

S’do negocioj me zotin Paloka, do të bisedojë me të për të hulumtuar mundësinë që demokratët të kenë një kandidat të përbashkët për zgjedhjet lokale. Me këtë rriten shanset për të fituar zgjedhjet. Nuk bëj bisedime para kamerave. Do të bisedoj me zotin Paloka për të parë se kush është grupi i kolegëve që përfaqëson zoti Paloka. Do shprehim qëndrim. As nuk hyjmë me kushte, as nuk pranojmë kushte, se nuk pranojnë demokratët”, tha Bardhi.

Të fundit