Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Ditari i Opozitës

Berisha i përgjigjet akuzave të Ballukut: I jam mirënjohës Bankës që e bleu Hotel Dajtin, nuk e morën oligarkët

Politiko 4 Dhjetor 2024, 12:58

Berisha i përgjigjet akuzave të Ballukut: I jam mirënjohës

Kreu i demokratëve Sali Berisha i është përgjigjur akuzave të zv.kryeministres Belinda Balluku, e cila e akuzoi se ka shitur Hotel Dajtin për t’iu dhënë bonus pensionistëve.

Berisha u shpreh se nëse e ka bërë për këtë qëllim, ka qenë gjëja më e mirë.

“Mjafton t’u rikujtoj këtu se si Lubi Balluku përsëriste dje, duke kujtuar se më akuzonte, se ka shitur Hotel Dajtin për t’u dhënë bonusin pensionistëve. Po në qoftë se e kam bërë për atë qëllim, kam bërë gjënë më të mirë”, u shpreh Berisha.

Kryedemokrati shtoi ndër të tjera se të paktën Hotel Dajtin, nuk e morën oligarkët për kulla, por Banka e Shqipërisë.

“Edhe njëherë, ju lutem shumë, në të gjitha takimet me zgjedhësit, duhet t’ua bëni të qartë se do jenë alfa e programit tonë. Ato amendamente do votohen vitin e parë të qeverisjes sonë.

Dhe ishte gjë shumë serioze, një përgatitje shumë serioze që u bë. Sigurisht që nuk do i pranonin dhe argumenti ishte se u kishim dhënë pensionistëve paratë e shitjes së Hotel Dajtit, po kjo na nderon.

Ua kishim dhënë armiqve. Ia shitëm Bankës, i jam mirënjohës Bankës që e bleu, pavarësisht se ata e arrestuan Fullanin në verbëri, pa asnjë fakt për atë blerje, që ishte e tëra ligjore.

Po kullë aty nuk do ndërtohej. Nuk mund ta merrnin oligarkët atë. E mori Banka, e ka rikonstruktuar, i ka ruajtur origjinalitetin e vet dhe ajo është ndërtesë që trashëgohet, që tregon se Tirana edhe në vitet ‘40 të shekullit të kaluar ka pasur ndërtim të tillë, e nderon”, deklaroi Berisha.

Të fundit