Flash News

Aksident në Sarandë, makina përplas motorin, një i plagosur

Pse lirimi i Abi Malltezit nuk e çliron atë; aq më pak Shqipërinë

Kapet duke transportuar armë zjarri nga Kosova në Shqipëri, arrestohet i riu (EMRI)

GJKKO liron nga arresti shtëpiak Jamarbër Malltezin

Shkrumbohet nga zjarri urbani i linjës Tiranë-Kamëz

Ditari i Opozitës

Berisha publikon të tjera pamje nga farsa elektorale: Votojnë komisionerët, zgjedhësit vetëm palosin fletën!

Politiko 7 Korrik 2025, 13:06

Berisha publikon të tjera pamje nga farsa elektorale: Votojnë

Kryetari i Partisë Demokratike, Sali Berisha ka publikuar mesditën e kësaj të hëne të tjera pamje nga manipulimet e bëra gjatë fushatës elektorale të 11 Majit.

Në një deklaratë për mediat, Berisha ka nxjerrë disa video të cilat sipas tij tregojnë që procesi zgjedhor është degraduar dhe dhunuar në të gjitha segmentet e tij.

Berisha thotë se dokumentet zyrtare faktojnë se masivisht qytetarët kanë votuar nën terrorin e patronazhistëve të cilët qëndronin në dhomën e fshehtë. Sipas videos së publikuar nga kreu i PD-së, votuesi thjesht shkon në vendin e votimit për të palosur fletën se votën e vendos komisioneri.

Berisha: Farsa zgjedhore 11 maj 2025 ishte një farsë universale. Ishte një proces i degraduar dhe i dhunuar në të gjithë shtrirjen dhe segmentet e tij. Unë e kam deklaruar dhe e deklaroj përsëri se në farsat elektorale, vota vdes pa rënë në kuti.
Por cilido që sheh dokumentet zyrtare të procesit zgjedhor të ditës së zgjedhjeve më 11 maj konstaton se ajo është autopsia e kufomës së farsës elektorale. Edhe aty nuk kanë lënë nen dhe ligj pa thyer.

Me 11 maj, dokumentet zyrtare faktojnë se masivisht qytetarët kanë votuar nën terrorin e patronazhistëve që u qëndronin si xhelatë të votës së lirë në dhomën e fshehtë. Mund të kisha rreshtuar këtu qindra e qindra raste, por unë kam sjellë vetëm disa për kursim kohe. Dhe këto disa janë vetëm në një qendër, imagjinoni ju po të shtriheshin në qendrat e tjera.
Votuesi shkon aty se plusin po e vendos komisioneri. Tani ai e palos, votuesi ka për detyrë të palosë fletën e votimit që e votoi komisioneri.

Është e njëjta qendër votimi. Edhe këtu, komisioneri shoqëron votuesin dhe voton.
Komisionieri terrorist elektoral. Është zona e kartelit të Suel Çelës.
2285, mos gabohem, është qendra e votimit. Detyra e tij është vetëm të palosë fletën e votimit.
Prapë, komisioneri... Unë thashë kam marrë disa, po mund t’u sillja këtu me qindra.
Vetëm nga një qendër ë, se është e lehtë të diktohet që është e njëjta qendër. Harroi ta përqafonte...
Beso dhe kontrollo... Komisioneri terrorist elektoral... Ja mbi se qëndron mandati i katërt i Edi Ramës, mbi krimin, drogën.
Po, po, edhe ky i dikton votën. E shihni cili ka qenë votimi? Tani do votojë edhe ky vetë prapë, sa herë të dojë. Vazhdon komisioneri.