Berisha: Rekordet e zeza janë ato me të cilat garon e paraqitet sot Shqipëria

Kryedemokrati Sali Berisha e cilëson gjenocid, largimin e 40% të shqiptarëve në 11 vite qeverisje të kryeminitrit Edi Ramës.

Përpara mbështetësve të tij, Berisha tha se Rama përmes vjedhjeve të tij, zhyti shqiptarët në varfëri të thellë nga viti në vit.

Sipas tij, rekordet e këqija dhe rekordet e zeza janë ato me të cilat garon e paraqitet sot Shqipëria, ndërsa Rama paraqitet në OKB duke thurur komplote kundër Kosovës me padronin e tij, Aleksandër Vuçiç.

Berisha ftoi qytetarët të ngrihen në beteja të pandalshme, deri në krijimin e qeverisë teknike për garantimin e zgjedhjeve të lira.

"Njeriu që kreu gjenocid dhe largoi rreth 40% të shqiptarëve në 11 vite.

Njeriu që me vjedhjet e tij, i zhyti shqiptarët çdo vit e më thellë në varfëri

Njeriu që me vjedhjet e tij, i bëri shqiptarët nga qytetarët më të mirë paguar në rajon, në qytetarët me rrogat më të ulëta në rajon.

Njeriu që dënoi qindra e mijëra të rinj të zonave rurale me mesatare, vetëm e vetëm të largohen jashtë shtetit.

Njeriu që rrënoi arsimin me shpejtësi të rrufeshme, duke siguruar rënien më të madhe në botë me 68 pikë, sa asnjë vend tjetër i planetit në 8 vite, të nxënësve tanë në matematikë.

Rekordet e këqija, rekordet e zeza janë ato me të cilat garon e paraqitet sot Shqipëria, kurse derdimeni, balozi i krimit, kreu i meduzës, thur komplote të tjera në OKB kundër Kosovës me padronin e tij, Aleksandër Vuçiç.Ndaj dhe ftoj qytetarët të ngrihemi në betejë të pandalshme, betejë pakthim gjer në krijimin e qeverisë teknike, për zgjedhje të lira.

Është radha jonë, është fitorja jonë

Të gjithë së bashku drejt fitores.

Është radha jonë.

Ndryshim, ndryshim dhe vetëm ndryshim.

O sot, o kurrë.

Fitore, fitore, fitoe!