Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Ditari i Opozitës

Berisha thirrje qytetarëve: Ngrihuni! Të përballemi dhëmb për dhëmb me regjimin e Ramës

Politiko 11 Mars 2026, 14:23

Kreu i Partisë Demokratike, Sali Berisha, ka reaguar me tone të forta ndaj qeverisë, duke deklaruar se Shqipëria ndodhet në një moment kritik dhe se qytetarët duhet të përballen, sipas tij, me një regjim që ai e cilëson si më të rëndin që nga koha e Enver Hoxhës.

Në një deklaratë, Berisha u shpreh se zhvillimet e fundit politike po e dëmtojnë rëndë imazhin e vendit dhe po e largojnë Shqipërinë nga rruga e integrimit europian.

“Është një moment jashtëzakonisht kritik dhe, nëse kemi parasysh edhe avancimin e forcave të ekstremit të djathtë në vendet e mëdha të BE-së, për të cilat nuk mund të imagjinohet kurrë që Shqipëria të jetë një vend anëtar, këto akte e përçudnojnë Shqipërinë në një shkallë të atillë sa askush nuk mund të marrë përsipër ta mbështesë këtë vend,” deklaroi Berisha.

Ai shtoi se situata politike në vend ka arritur në një pikë që, sipas tij, po e kthen Shqipërinë në objekt talljeje.

“Vendi po bëhet gazi i dheut. Kur tregjet e basteve merren të parashikojnë nëse Edi Rama do të bjerë këtë vit apo jo, ta imagjinojë çdo shqiptar se ku jemi katandisur me këtë njeri,” tha ai.

Berisha u bëri thirrje qytetarëve që të tregojnë përgjegjësi dhe të reagojnë ndaj situatës politike në vend. Sipas Berishës, kryeministri Edi Rama po shkatërron institucionet për të mbrojtur veten.

PJESE NGA DEKLARATA

Është një moment jashtëzakonisht kritik dhe po të kemi parasysh një faktor, e vërteta është deri diku të pandalshëm, që është avancimi i forcave të ekstremit të djathtë në vendet e mëdha të BE, për të cilat nuk mund të imagjinohet kurrë që Shqipëria të jetë një vend anëtar, këto akte e përçudnojnë Shqipërinë në një shkallë të atillë, sa askush nuk mund të marrë përsipër ta mbështesë këtë vend.

Vendi po bëhet gazi i dheut.
Kur tregjet e basteve merren të parashikojnë nëse Edi Rama do bjerë këtë vit apo jo, ta imagjinojë çdo shqiptar se ku jemi katandisur ne me këtë njeri.
Tani, koha është sot më shumë se kurrë e përgjegjësisë qytetare.
Përgjegjësi qytetare do të thotë në këtë rast, përgjegjësi para vendit tënd.
Çfarëdo që je, dhe cilido që je, në qoftë se e ndjen veten shqiptar, është koha të ngrihesh.
Është koha të përballemi dhëmb për dhëmb me një regjim që kaq të poshtër nuk e kanë pasur shqiptarët që nga koha e Enver Hoxhës gjer sot.
Vetëm Enver Hoxha ishte i aftë të merrte çdo lloj vendimi për të ruajtur pushtetin e tij.
Vetëm ai ishte i aftë t’i çonte shqiptarët tek racioni i bukës së misrit, kilogrami i kripës dhe sheqerit që t’i mbante ata të uritur dhe të topitur në mënyrë që të mos mendonin gjë tjetër përveç kafshatës.
Vetëm ai ishte i aftë në shpirtin e tij të zi t’i zhyste shqiptarët në izolimin më të thellë që të mos ngriheshin kundër tij.
Edi Rama, pasi ka vjedhur miliarda me organizatën e tij kriminale, tani zhduk edhe Kushtetutën, zhduk shtetin ligjor, i mbyll të gjitha, shkatërron drejtësinë për të mbrojtur lëkurën e tij.
Nuk ka ditë më të vështirë për vendin se sa kjo.
Nuk ka ditë më të vështirë për kombin se sa kjo.

ZYRA E MEDIAS DHE KOMUNIKIMIT, PARTIA DEMOKRATIKE