Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Bylykbashi: Drejtësia në kolaps, hyn në proces gjyqësor sot dhe del pas 14-vjetësh

Politiko 3 Korrik 2025, 21:30

Bylykbashi: Drejtësia në kolaps, hyn në proces gjyqësor sot

Deputeti i zgjedhur i PD për Qarkun e Durrësit, Oerd Bylykbashi, ka komentuar mbrëmjen e sotme zhvillimet më të fundit politike në vend. 

I ftuar në Syri TV, Bylykbashi u shpreh se drejtësia e Edi Ramës është e kolapsuar, pasi sipas tij, një person i cili hyn në një proces gjyqësor vendimi përfundimtar i jepet pas 14-vjetëve.

Ai theksoi se Rama përdor instrumentat ekonomik dhe juridik për të minuar rotacionin në vend.

“E gjithë kjo histori duhet parë si një produkt me konceptin se si Edi Rama në 2013 erdhi në pushtet. Erdhi me ide shumë të qarta. Pra nëse PPP ishin ende diçka teorike, koncesionet ishin të rralla. Më pas ai erdhi me një teori që qeveriset nëpërmjet. Dhe një nga këto gjëra që ka këto si instrumentat juridik dhe ekonomik për të qeverisur, janë që kanë afate aq të gjata që kapërcejnë mandate qeverisëse normën 4-vjeçare. Që të vendosësh kontrata, kaq shumë interesa, me kaq shumë guxim me një plan qeverisëse grabitqare, duhet të garantosh dy gjëra ose të shpartallosh zgjedhjet, ose të marrësh nën kontroll drejtësinë. Sepse përndryshe zgjedhjet prodhojnë rotacion dhe ti nuk ke garancinë e atij investimit që ai do të qëndrojë, qeveria pasardhëse do të qëndrojë në të njëjtat terma. Dhe nga ana tjetër drejtësia mund të të shkaktojë probleme dhe i gjithë ai interes bie. Të dyja këto kanë ndodhur. Ka ndodhur reforma në drejtësi që shpartalloi sistemin e drejtësisë atë që ne me zorr e kishim arritur, deri në një pikë të caktuar. Të gjithë problemet që kishte me korrupsionin brenda, ineficencën, por synimi që ja ku jemi sot që ka rënë i tërë sistemi dhe është kolapsuar. Kush hyn sot në një proces gjyqësor do të dalë pas 14-vjetësh. Dhe e dyta janë zgjedhjet, zgjedhjet e 11 majit janë vetëm viktima në këtë lloj koncepti. Pra që ti të arrish në konceptet e këtij lloji duhet një guxim i madh që shqiptarët kishin bërë në 30 vjet, për sa i përket shtetit të së drejtës, demokracisë pluralizmit e të tjerë. Edi Rama këtë gjë e mori parasysh. Dhe me këtë lloj guximi kriminal mund të konceptosh të tilla situata. Tani e vetme histori e inceneratorëve. Ja ku e keni turpin e Elbasanit, pra digjen plehrat dhe inceneratori nuk funksionon.” tha Bylykbashi.

Të fundit