Flash News

Alibeaj në vështirësi, jep dorëheqjen këshilltari ligjor i Grupit Parlamentar

Fier/ Makina përplas 12-vjeçarin që lëvizte me biçikletë, shoqërohet shoferi

Sulmi i Veliajt ndaj mediave, sekretari i Federatës Europiane të gazetarëve: Jemi të indinjuar!

Aksident në Durrës, makina përfundon në kanal, 4 të plagosur

NATO tregon se kur do t'i bashkohet zyrtarisht Finlanda aleancës

Ditari i Opozitës

“Defakto lobonte për Putinin”, Berisha: Rama thikë pas shpine SHBA-së dhe NATO-s në fushën e sigurisë

Politiko 6 Shkurt 2023, 18:13

“Defakto lobonte për Putinin”, Berisha: Rama thikë pas

Kreu i PD, Sali Berisha deklaron se kryeministri Edi Rama, me skandalin “McGonigal, i ka futur thikë pas shpine SHBA-së, por edhe vetë NATO-s dhe vendeve anëtare të saj.

Në takimin që zhvilloi me kandidatët për kryetarë bashkie në të gjithë vendin, Berisha tha se SHBA-së i ka bërë një dëm shumë të madh dhe ky dëm sipas tij thellohet nëse McGonigal u ka dhënë të dhëna rusëve për rrjetin agjenturor të SHBA dhe vendeve të tjera.

Berisha: Ky e vret shpresën e shqiptarëve se shkelmon interesat e tyre, qoftë dhe personale, por edhe interesat kombëtare. Ky është shndërruar në një avokat të Beogradit. Sot është i vetmi kryeministër në Europë që kalonte nga Samiti në Samit, duke kërkuar që të mos i bëhej presion padronit të tij Vuçiç që të mos i bëhej presion për pranimin e sanksioneve të NATO-s dhe BE-së kundër Rusisë.

Defakto lobonte për Vladimir Putinin. Me fjalë të tjera thoshte se Serbia duhet të mbetet prapavijë e Rusisë në këtë luftë të çmendur, barbari ç’njerëzore.

Ky është kryeministri që pastaj shkon e korrupton, blen, njeriun ndër më kryesorët në agjencinë e zbulimit për sigurinë e SHBA. Dhe ka krijuar kjo një skandal jashtë imagjinatës. Ai ndryhet në Surrel dhe përpiqet ta kalojë, por nuk kalohet kjo, është e pakalueshme.

Çdo ditë mediat e mëdha amerikane e trajtojnë këtë akt të turpshëm, të papërgjegjshëm. Në një aspekt ky është një akt armiqësor ndaj SHBA-së në fushën më sensitive, fushën numër 1, në fushën e sigurisë. Për atë vend dhe për çdo vend, fusha e sigurisë është fusha e parë më e rëndësishme, me distancë nga të gjitha të tjerat.

Ky pikërisht në këtë fushë i fut një thikë pas shpine SHBA-së. Por nëse i fut thikë pas shpine SHBA-së që janë udhëheqësi i NATO-s, që janë përgjegjësi kryesor për paqen, stabilitetin dhe mbrojtjen e vendeve të lira, ti këtë akt e ke kryer jo vetëm ndaj atyre, por edhe ndaj NATO-s dhe vendeve të lira. Dhe kush e bën këtë, e bën kryeministri i Shqipërisë, një vend anëtar i NATO-s. Nuk e bën Llukashenko këtë, por e bën Tirana e Edi Ramës. Nuk ka faqe të zezë më të madhe se kjo, nuk ka turp më të madh e krim më të shëmtuar.

Del e zvarritet si zvarranik nëpër media, jo po unë e takova kështu e jo e takova ... Por kur i thoshte mik me krenari dhe kur kërcënonte kundërshtarët e tij me FBI, kur i paralajmëronte në parlament se do të shpalleshin non grata dhe nuk kalon Atlantikun se kishte, të korruptuarit, mbas vetes, që kishin tradhtuar detyrën dhe vendin e tyre dhe ishin bërë viktimë e një njeriu pa moral, pa karakter, pa nder, pa flamur, pa asgjë, sicc është Edi Rama. Këtë ai e harron.

Por duhet të jemi realistë. Sigurisht SHBA-së i ka bërë një dëm shumë të madh dhe dëmi bëhet i jashtëzakonshëm nëse miku i tij McGonigal, që u martua së fundmi me Edi Ramën, u ka dhënë të dhëna rusëve për rrjetin agjenturor të SHBA dhe vendeve të tjera. Sepse kjo do të kishte kosto shumë të lartë në jetë njerëzore dhe aspekte të tjera.