Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

Ditari i Opozitës

Dënimi i Salianjit, Hajdari: Një goditje e pandershme në një sistem të ndikuar politikisht

Politiko 27 Shtator 2024, 15:25

Dënimi i Salianjit, Hajdari: Një goditje e pandershme në një

Ish-deputetja e PD-së, Rudina Hajdari ka reaguar pas dënimit të deputetit demokrat Ervin Salianji, duke e quajtur vendimin një goditje të padrejtë dhe të ndikuar politikisht.

Në një deklaratë të saj, Hajdari theksoi respektin e saj për Salianjin si një politikan të rinj dhe të aftë, i cili ka treguar qëndrueshmëri dhe integritet gjatë gjithë karrierës së tij.

Ajo e konsideron vendimin një sulm ndaj integritetit të Salianjit dhe pyet sesi mund të flitet për një dënim për shpifje, kur në të njëjtën çështje vëllai i ministrit përfundoi në burg.

Deklarta e plotë

Kam respekt për Ervin Salianjin, së pari si një bashkëmoshatar në politikë, por mbi të gjitha si një individ që ka treguar aftësi në garat politike që prej fillimeve të tij. Ai është një figurë që ka ditur të fitojë besimin e qytetarëve gjatë garave elektorale, duke sfiduar fort maxhorancën, pa u bërë një figurë e dobët politike, por duke mbajtur një qëndrim të vendosur dhe të palëkundur.
Salianji ka treguar qëndrueshmëri dhe e ka përqafuar garën politike me integritet, duke ruajtur një staturë të vërtetë të një lideri të ri në politikë. Veprimet e tij kanë qenë të drejtpërdrejta dhe të sakta, pa iu nënshtruar lojërave të ndyra të politikës së ditës, gjë që e bën atë të dallohet nga shumë të tjerë në skenën politike.
Ajo që ndodhi dje është një goditje e pandershme ndaj tij, dhe kushdo që merret me politikë e di këtë gjë. Në një sistem ku qeveria legjitimon patronazhistët dhe përdor institucionet si mjete për shpërblimin e atyre që i shërbejnë interesave përmes shpifjeve dhe intrigave, si mund të flitet sot për një dënim me burg për shpifje? Në një realitet të tillë, është e vështirë të dallosh se ku mbaron drejtësia dhe ku fillon ndikimi politik, i cili përdoret në mënyrë të fshehtë për hakmarrje.
Nëse Salianji ka shpifur, përse vëllai i Ministrit përfundoi në burg? Mjafton kjo pyetje për t’i dhënë fund debatit rreth të vërtetës së tij.
Drejtësia e re nuk duhet të jetë një maskim për degradimin e figurave politike. Në të kaluarën, eliminimi i kundërshtarit politik mund të ishte i dhunshëm dhe me pasoja fatale, por sot ekzistojnë forma më të sofistikuara për të arritur të njëjtat qëllime, duke degraduar në mënyrë të qëllimshme dinjitetin e individëve në politikë. Kjo nuk është rruga për të ndërtuar një të ardhme më të drejtë. Sulmet personale dhe përdorimi i pushtetit për hakmarrje janë një pengesë e rëndë për demokracinë dhe progresin që vendi ynë ka nevojë të arrijë.

Të fundit