Denoncim nga burgu 313/ Polici: Na mashtruan për rritje page, fondet u zhdukën për uniforma 3500 euro

Kryetari i Partisë Demokratike, Sali Berisha, ka publikuar një denoncim tronditës që vjen nga burgu 313 “Jordan Misja” në Tiranë, lidhur me shkeljet dhe mashtrimet që po u bëhen punonjësve të policisë së burgjeve.

Në postimin e tij, Berisha thotë se denoncimi vjen nga një “polic dixhital”, i cili kërkon të mbetet anonim për shkak të kërcënimeve për largim nga puna.

Sipas denoncimit, premtimet për rritje pagash kanë rezultuar mashtrim, ndërsa punonjësve të burgjeve nuk u janë paguar as orët e natës, pavarësisht se kanë punuar në kushte ekstreme me temperatura mbi 50°C dhe mungesë oksigjeni.

Berisha e cilëson këtë rast si një tjetër skandal të “Ulluzit mashtrues”, duke iu referuar Ministrit të Drejtësisë, dhe kërkon transparencë për trajtimin e punonjësve të burgjeve që shërbejnë në kushte ekstreme dhe shpesh të rrezikshme.

POSTIMI I PLOTË

Denoncohet Uluzi Mashtruesi.

Lexoni denoncimin e policit dixhital.

I nderuar Profesor Doktor Sali Berisha, po ju sjell një mynxyrë nga I.E.V.P 313 Jordan Misja.

U trumbetua me të madhe për rritje pagash, por ministri gënjeu se ne na kanë vjedhur, jo vetëm rritje nuk shijuam, por orët e natës nuk na janë paguar edhe pse kemi punuar në kushte vdekjeprurëse me mbi 50 gradë e mungesë oksigjeni.

Me arsyetimin për mungesë fondesh na kanë privuar pagesën e vështirësisë për të paguar gjoja shtesën e pagës nga e cila kanë përfituar patronazhistët e administratës dhe policët që shërbejnë në turnin e parë me kondicioner e klima me lekët tona të vështirësisë dhe ditëve të tepërta të punës.

Ju lutem bëje publike, por pa përmendur emrin pasi na kanë kërcënuar me largime nga puna.

Thuhet që për muajin shtator nuk ka fond për të paguar dhe pagat se kanë konsumuar fondin e pagave për uniforma me kosto 3500 euro për polic.