Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

Ditari i Opozitës

Dita kombëtare e trashëgimisë kulturore, Zhupa: PD angazhohet për ndalimin e koncensioneve

Politiko 29 Shtator 2024, 18:27

Dita kombëtare e trashëgimisë kulturore, Zhupa: PD angazhohet

Deputetja demokrate, njëherësh kryetarja e komisionit për kulturën Ina Zhupa reagoi sot në ditën kombëtare të trashëgimisë kulturore.

Në një postim në rrjetet sociale, Zhupa thekson se Partia Demokratike në programin e saj për trashëgiminë kulturore e ka pikë themelore rolin parësor të shtetit dhe ndalimin e koncesioneve, lejimin vetëm të donacioneve dhe të bashkërendimin me privatin si ndihmë dhe jo si marrës i trashëgimisë dhe trajtimit të saj si mall tregtar. 

Ajo solli në vëmendje një nga betejat e saj kundra koncesionit të Butrintit, i cili vazhdon me shpresën që do ndalohet sa më shpejt.

"Sot dita kombëtare e trashëgimisë kulturore, Partia Demokratike angazhohet për ndalimin e koncensioneve në trashëgiminë kulturore. Bashkimi i kulturës me ekonominë, një eksperiment unik shqiptar me funksion dhënien me koncensione, nëpërmjet fondacioneve të trashëgimisë kulturore do marr fund sapo PD të jenë përgjegjëse për qeverisjen.

I pari model koncesioni ishte Butrinti, beteja për të cilin ende vazhdon me shpresën që do ndalohet sa më shpejt. UNESCO e kundërshton dhe raportet e tyre zhduken nga institucionet shqiptare. Në Shqipëri janë sipas KLSH 122 monumente plotësisht të shkatërruara, 884 monumente që kanë nevojë për restaurim, 745 në nevojë për një mirëmbajtje të vazhdueshme, 98 objekte të tjetërsuar si dhe 15 objekte pa kartelë.

Përgatitje për plane koncesionare përshijnë Pallatin e Brigadave, Amfiteatrin e Durrësit, Kalanë e Gjirokastrës dhe sa e sa të tjera që po punohet për një plan menaxhimi me fondacione.

Partia Demokratike në programin e saj për trashëgiminë kulturore e ka pikë themelore rolin parësor të shtetit dhe ndalimin e koncesioneve, lejimin vetëm të donacioneve dhe të bashkërendimin me privatin si ndihmë dhe jo si marrës i trashëgimisë dhe trajtimit të saj si mall tregtar. Për ne UNESCO do jetë busull orientimi dhe mbrojtja dhe inskriptimi i pasurive kombëtare në UNESCO, do jetë një angazhim serioz. Trashëgimia kulturore është thelbi i identitetit, historisë dhe krenarisë tonë si shqiptar, ndaj është detyra jonë ta mbrojmë, ta lartësojmë dhe tja u lëmë brezave të ardhshëm", shkruan Zhupa. 

Të fundit