Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Gjokutaj: Pengimi i ushtrimit të mandatit të Berishës, anti-kushtetues

Politiko 8 Shkurt 2024, 17:50

Gjokutaj: Pengimi i ushtrimit të mandatit të Berishës,

Avokati Genc Gjokutaj ka folur mbi vendimin e gjykatëses Irena Gjoka, e cila ditën e sotme është cilësuar si ‘pengmarrëse’ e mandatit të deputetit Sali Berisha, duke mos e lejuar këtë të fundit të ushtrojë detyrën e tij të mandatar nga sovrani.

Sipas Gjokutaj, ushtrimi i mandatit të deputetit nga kryetari i PD, Sali Berisha bie ndesh me interesat e Edi Ramës dhe mazhorancës socialiste dhe gjykata e atashuar pranë kryeministrit do të vijojë të marrë këto vendime të cilat janë që nga tetori si pikat e ujit nga ngjashmëria e shkeljes kushtetuese dhe procedurale.

“Ky nuk është hapi i fundit. Hapi i parë ka qënë herët vendimi i Lulzim Bashës për pezullimin e deputetit Sali Berisha, pastaj ka vijuar me vulën, me siglën, me Rithemelimin, me mosdepozitimin, me sagën e gjykatave për të penguar PD dhe liderin e saj që të jetë subjekt në zgjedhje dhe sot ne kemi bërë kërkesë në SPAK që të lejojë zotin Berisha që të ushtrojë detyrën e tij si deputet i Kuvendit të Shqipërisë, një mandat që ai e ka marrë nga sovrani nga populli dhe për të cilin mandat nuk ka asnjë vendim gjykate që ia ka ndërprerë dhe asnjë vendim të kuvendit që të ketë kryer në veprim të tillë.

Nëse ligji i jep të gjithë të drejtën e tij dhe të drejtën e zotit, zotit Berisha që pavarësisht nga masa e arrestit shtëpiak, ai të shkojë në kuvend dhe të ushtrojë mandatin e tij si deputet i kuvendit, kjo bie ndesh me interesat e Edi Ramës dhe kësaj mazhorance.

Sa kohë që Edi Rama do të vijojë në këtë qëndrim të neutralizimit të opozitës dhe kryetarit të saj gjykata e atashuar pranë kryeministrit do të vijojë të marrë këto vendime të cilat janë që nga tetori si pikat e ujit nga ngjashmëria e shkeljes kushtetuese dhe procedurale dhe unë e konsideroj si shkeljen e dytë të Kushtetutës që bën gjykata, bile heqja e mandatit me veprime arbitrare dhe të paligjshme unë e kam cilësuar dhe do ta cilësoj si një ‘puç kushtetues’, pra gjykata nuk llogarit Kuvendin e Shqipërisë, gjykata nuk llogarit mandatin e një deputeti dhe pengimi nga gjykata e ushtrimit të mandatit të deputetit është një masë më vete sigurimi e cila nuk është caktuar me asnjë vendim as të kuvendit dhe gjykatës, e marrin të mirëqënë këta dhe i thonë ju zoti Berisha nuk do të shkoni në Kuvend.

Se ku e gjejnë këtë të drejtë dhe këtë kurajo sesi trimërohen në këtë pikë e dinë ata ndërgjegjia e tyre dhe Rama të cilit i shërben ky vendim.”, tha Gjokutaj per Syri tv.