Flash News

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

Ditari i Opozitës

Investimet strategjike, rrëzohet kërkesa për ngritjen e Komisionit të Posaçëm

Politiko 11 Maj 2022, 12:44

Investimet strategjike, rrëzohet kërkesa për ngritjen e

Rrëzohet kërkesa për ngritjen e një komisioni të posaçëm për investimet strategjike. Kështu bëri me dije deputetja demokrate Jorida Tabaku.

Kjo e fundit tha për mediat se në Konferencën e Kryetarëve është votuar kundër ngritjes së komisionit. Tabaku deklaroi se ky ligj është abuziv dhe prej saj kanë përfituar të afërm të anëtarëve të qeverisë.

Deputetja i kërkoi SPAK-ut që të hetojë, ndërsa shtoi se kjo çështje ngjason me atë të inceneratorëve.

“Konferenca e Kryetarëve votoi kundër ngritjes së komisionit të posaçëm për të bërë transparencë për investimet strategjike. E dimë që qeveria nuk do që të bëjë një komision si ai i inceneratorëve. Ky ligj është korruptiv, ka dhënë favore për një grusht të qeverisë. Është shtyrë në mënyrë abuzive. Po shpronëson pronën private. Unë besoj që ky ligj duhet të ishte parësore.

Unë si deputete kam bërë kërkesa pafund se kush janë përfituesit e këtij ligji. Jam përballur me heshtjen e qeverisë. PD donte të bënte transparencë për investimet strategjike. Duke nisur nga projekti i portit të Durrësit. Rama vijon me shfaqjen e tij të radhës në një kohë që SPAK-u mund të vijojë me heronjtë e tjerë të qeverisë së tij.

E inkurajoj SPAK-un që të vijojë të hetojë, ashtu siç thotë DASH-i korrupsionin e përhapur. Unë besoj që këto shfaqjet dhe krekosjet si gjeli mbi inceneratorët, nuk i shërbejnë askujt. Transparenca jepet duke bërë që ky parlament të funksionojë në mënyrë normale”, tha Tabaku.

Në fillim të këtij muaji, Partia Demokratike ndërmori një iniciativë për verifikimin e procedurave për dhënien e statusit të investitorit strategjik, duke marrë shkak nga rastet fundit të denoncuara si afera.

Një grup deputetësh i drejtuan Kuvendit një kërkesë për ngritjen e një Komisioni të Posaçëm për Investimet Strategjike në mënyrë që të verifikojë dhëniën e statusit.

Deputetët kanë marrë shembull tre raste: resorti turistik i aktorit të humorit Gazmend Paja, rasti i bashkëshortit të ministres Olta Xhaçka, Artan Gaci dhe Portin e Durrësit. Sipas deputetëve mbi këto projekte ka pasur hije dyshimi për korrupsion, favorizim, paligjshmëri, klientelizëm dhe arbitraritet.

 

 

Të fundit