Flash News

Ndërron jetë 12-vjeçari në Tiranë, shkaqet ende të paqarta

Përndoqi, dhunoi dhe kërcënoi një vajzë, arrestohet 25-vjeçari nga Laçi

Aksident në Ersekë: Automjeti del nga rruga, plagoset një çift bashkëshortësh

Arrestohet 45-vjeçarja durrsake me dy emra e akuzuar për trafik dr*ge

Gjendet i vd*kur i moshuari në Fier, dyshohet për vetëv*asje

Ditari i Opozitës

Këlliçi: Qytetarët duan revoltë pa kthim, aksioni ynë duhet të përshkallëzohet

Politiko 13 Shtator 2024, 10:21

Këlliçi: Qytetarët duan revoltë pa kthim, aksioni ynë

Drejtuesi politik i Tiranës për PD-në, Belind Këlliçi u shpreh se qytetarët duan revoltë pa kthim.

I ftuar në Syri TV, Këlliçi tha se ka një kërkesë nga ana e qytetarëve për protesta. Ai theksoi se në kushtet ku është Shqipëria sot askush të mos pretendojë për zgjedhje të lira, kur kryeministri i ka të gjitha në dorë.

“Ka një kërkesë të shtuar nga qytetarë të shumtë, edhe nga demokratët në mënyrë të padiskutueshme. Përherë qytetarët kanë qenë një hap para në raport me nevojën politike të momentit, që shpeshherë zyrat dhe konferencat nuk ta ofrojnë këtë që ti ta kuptosh se çfarë duan njerëzit në terren. Qytetarët duan revoltë, dhe revoltë pa kthim pas. Që do të thotë patjetër aksioni politik i opozitës, i Partisë Demokratike në këtë rast do duhet të përshkallëzohet. Unë kam qenë pro në çdo moment që është shtruar kjo çështje për diskutim, që aksioni ynë do të duhet të përshkallëzohet në një protestë permanente dhe pa kthim pas. Që të jemi të qartë. Në kushtet aktuale që jemi, të mos pretendojë njeri që në Shqipëri do të ketë zgjedhje.

Në Shqipëri do të ketë votime me kushtet aktuale, me mënyrën se si kryeministri kontrollon qeverinë, patronazhistët, mediat, gjyqësorin, çdo gjë në këtë vend. Nëse ne nuk i japim këtij vendi një mundësi për të bërë zgjedhje. Nëse ne nuk u japim mundësi qytetarëve të shkojnë te kutia e votimit dhe të votojnë si të duan, të qetë dhe me ndërgjegje të pastër të votojnë këdo që duan. Nëse nuk vjen ky moment, ne nuk ia kemi dalë betejës sonë. Padyshim që kjo nuk arrihet në kushtet aktuale, por arrihet duke patur një qeveri teknike. Marrim shembull Maqedoninë e Veriut, një qeveri kujdestare me teknicienë, me profesionistë që të paktën 100 ditë para zgjedhjeve kujdeset vetëm për procesin zgjedhor”, tha Këlliçi.

Të fundit