Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

“Ligje për vetëmbrojtje”, Gjekmarkaj: Rama po përdor shumicën për të vënë drejtësinë nën kontroll politik

Politiko 16 Shkurt 2026, 18:37

“Ligje për vetëmbrojtje”, Gjekmarkaj: Rama po përdor

Nënkryetari i Kuvendit dhe deputeti i Partisë Demokratike, Agron Gjekmarkaj ka reaguar pas nismës së kryeministrit Edi Rama për ndryshime ligjore që, sipas opozitës, synojnë të kufizojnë kompetencat e Prokurorisë së Posaçme në hetimin e zyrtarëve të lartë.

Në një postim në FB, Gjekmarkaj e cilëson ndërhyrjen si përpjekje për të vendosur kontroll politik mbi drejtësinë dhe për të frenuar hetimet ndaj qeverisë, duke e quajtur atë një hap të rrezikshëm kundër ndarjes së pushteteve dhe shtetit ligjor.

Reagimi i plotë

Si Nënkryetar i Kuvendit të Shqipërisë dhe Nënkryetar i Partisë Demokratike, dënoj me forcën më të madhe përpjekjen e Edi Ramës dhe mazhorancës së drejtuar prej tij për të ndërhyrë brutalisht në sistemin e drejtësisë, me qëllim mbrojtjen politike për veten dhe zyrtarët e tij të përfshirë në afera të rënda korruptive, duke goditur me “ligje” Prokurorinë e Posaçme në aftësinë e saj hetuese.

Ndryshimet e propozuara nuk janë reformë. Ato janë një përpjekje e hapur për të dobësuar institucionet e drejtësisë, për të frenuar hetimet dhe për të vendosur kontroll politik mbi mekanizmat që sot po godasin korrupsionin në nivelet më të larta të pushtetit. Ky është një hap i rrezikshëm drejt kapjes së plotë të drejtësisë dhe shkatërrimit të ndarjes së pushteteve, pas panikut që shkaktoi rasti i zëvendëskryeministres Balluku!

Ky veprim përbën një akt të pastër vetëmbrojtjeje politike nga një qeveri e tronditur nga skandalet dhe frika e llogaridhënies. Është i papranueshëm çdo tentim për ta kthyer ligjin në mburojë për pushtetin dhe për ta përdorur shumicën parlamentare si mjet presioni ndaj drejtësisë.

Partia Demokratike do ta kundërshtojë me vendosmëri të plotë, brenda çdo mekanizmi kushtetues dhe politik, këtë tentativë për të deformuar shtetin ligjor dhe për ta kthyer drejtësinë nën kontrollin e qeverisë së zhytur në korrupsion. Qytetarët nuk do ta pranojnë këtë, ndaj më 20 shkurt duhet të vërshojnë në Bulevardin “Dëshmorët e Kombit” për të mbrojtur liritë personale dhe kushtetuese, për të mbrojtur veten nga fuqia aktuale dhe prapavepruese e korrupsionit!

Shqipëria meriton drejtësi të pavarur, institucione të forta dhe një qeverisje që i nënshtrohet ligjit, jo një pushtet që kërkon t’i shpëtojë atij, siç po tenton Edi Rama! Ky është puç institucional që tenton ta kthejë drejtësinë në vartëse të tij dhe të PS-së. Historia na mëson se regjimet autokratike janë kthyer në sisteme totalitare edhe me fuqinë abuzive të kartonit!

Kryeministri Edi Rama prezantoi sot ndryshimet ligjore që, sipas tij, shpallin të paprekshëm atë dhe qeverinë e tij nga vendimet e drejtësisë për pezullim nga detyra. Ndërsa kishte përfshirë në këtë mbrojtje ligjore edhe disa funksione të tjera publike, Rama kërcënoi prokurorët dhe gjyqtarët, duke thënë se askush nuk i diskuton vendimet e tij.