Flash News

Ndërron jetë 12-vjeçari në Tiranë, shkaqet ende të paqarta

Përndoqi, dhunoi dhe kërcënoi një vajzë, arrestohet 25-vjeçari nga Laçi

Aksident në Ersekë: Automjeti del nga rruga, plagoset një çift bashkëshortësh

Arrestohet 45-vjeçarja durrsake me dy emra e akuzuar për trafik dr*ge

Gjendet i vd*kur i moshuari në Fier, dyshohet për vetëv*asje

Ditari i Opozitës

Mbetjet toksike, Berisha: Rama faktoi se ai qëndron prapa atij trafiku

Politiko 12 Shtator 2024, 20:29

Mbetjet toksike, Berisha: Rama faktoi se ai qëndron prapa atij trafiku

Kryedemokrati Sali Berisha u ndal sonte te interpelanca mes kryeministrit Edi Rama dhe deputetit të PD, Gazment Bardhi në KUvend, e cila është kërkuar nga demokrati në lidhje me transportin e mbetjeve të rrezikshme, toksike, të nisura nga Porti i Durrësit, drejt Kinës dhe Tajlandës.

Sipas Berishës, me deklarata në parlament, Edi Rama faktoi se prapa atij trafiku qëndron ai personalisht dhe ministrat e tij. 

Berisha: Të dashur miq, sot Edi Rama me një gjuhë të denjë vetëm për atë që nuk ka normat më minimale të edukatës dhe moralit njerëzor në parlament, duke shfryrë si ordiner, nuk po përdor epitetet që meriton, mori përsipër me fjalën e tij mashtrimin e madh, mashtrimin me lëndët toksike, mbetjet e rrezikshme, trafikun dhe tregtimin e tyre.
Ai, pa u zverdhur, pas u skuqur, fajësoi për trafikun ‘fajin e ka Saliu’ dhe mashtroi shqiptarët se ai nuk ka ndodhur kurrë.
Se ato mbetje nuk janë të rrezikshme dhe se kjo, sipas tij, ishte një shpikje e Sali Berishës.
Me këto deklarata në parlament, Edi Rama faktoi se prapa atij trafiku të rrezikshëm qëndron ai personalisht dhe ministrat e tij.
Dhe nuk bëhet fjalë, të dashur miq, nuk bëhet fjalë as për 100 as për 800, por të dhënat e fundit janë se bëhet fjalë për 20 mijë ton mbetjesh toksike, të cilat askush nuk e di se nga dalin, se nga vijnë dhe si vijnë, se ku prodhohen, si prodhohen.
Absolutisht Kurumi prodhon mbetje toksike, metalurgjitë, furrnaltat prodhojnë, por prodhimi i tyre në Shqipëri dhe kudo në botë ka kodin e transportit, kodet e përpunimit, kodet e bërjes të parrezikshme.
Kurse në Shqipëri, këto kode shkelen dhe tani sipas tij, qenka Sali Berisha ai që ka urdhëruar Mbretërinë e Tajlandës të kthejë mbrapsht anijet që transportojnë mbetjet toksike.
Sipas tij, nuk është Ministria e Mjedisit, që ka nisur helmet me etiketa jo-helm, por ata kanë bërë detyrën.
Me deklaratat e sotme, Edi Rama faktoi para mbarë shqiptarëve se në këtë trafik është edhe dora e zezë e Edi Ramës.

Të fundit