Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

‘Na mbyllën dyert e Europës!’ Berisha shpërthen ndaj Ramës dhe Ballukut: Shkaktarët kryesor

Politiko 30 Mars 2026, 12:57

‘Na mbyllën dyert e Europës!’ Berisha shpërthen ndaj

Kreu i Partisë Demokratike, Sali Berisha, ka akuzuar drejtpërdrejt kryeministrin Edi Rama dhe Belinda Balluku se kanë penguar integrimin e Shqipërisë në Bashkimin Europian.

Gjatë një konference për mediat këtë të hënë, Berisha u shpreh se procesi i integrimit europian është “më themelori për të ardhmen e shqiptarëve”, duke e cilësuar si një investim 32-vjeçar të vetë qytetarëve dhe të partnerëve ndërkombëtarë.

Sipas tij, përgjegjësia për bllokimin e këtij procesi bie mbi qeverinë aktuale. “Shqipërisë në Europë ia mbylli dyert Edi Rama dhe Lubi Balluku”, deklaroi ai, ndërsa shtoi se ndonëse Balluku ka përgjegjësi për abuzime dhe shpërdorim fondesh, përgjegjësi kryesor mbetet kreu i qeverisë.

Berisha akuzoi gjithashtu Ballukun për keqmenaxhim të miliarda eurove investime në infrastrukturë, duke pretenduar se një pjesë e rrugëve të ndërtuara janë dëmtuar brenda një kohe të shkurtër.

Ai kritikoi gjithashtu vendimin e Kuvendit për të mos lejuar arrestimin e zëvendëskryeministres, duke e cilësuar atë si një akt të diktuar politikisht nga kryeministri Rama dhe në kundërshtim me parimet e një shteti ligjor.

PJESE NGA DEKLARATA

Për Shqipërinë dhe shqiptarët, procesi më themelor për të ardhmen e tyre është integrimi i vendit në BE.
Shqipëria në Europë është ëndrra shekullore e shqiptarëve.
Shqipëria në Europë është investimi i tyre 32-vjeçar.
Por Shqipëria në Europë është gjithashtu investimi i BE, Komisionit Europian, vendeve anëtare të BE, miliarda, miliarda, miliarde euro me të cilat ky vend është transformuar sa asnjë vend tjetër, po të kemi parasysh gjendjen në të cilën ishte.
Shqipërisë në Europë i mbylli dyert Edi Rama dhe Lubi Balluku.
Do të ishte e padrejtë që të shkarkonim mbi Lubinë këtë përgjegjësi.
Lubia ka përgjegjësi të mëdha për vjedhjet që ka bërë, për shpërdorimin, për vjedhjen e miliarda eurove.
Lubia ka disponuar 12 miliardë euro investime dhe tani, sipas vetë Edi Ramës, janë ndërtuar thotë ai, që nuk janë kurrë, po le ta supozojmë që është e vërtetë, 1 mijë kilometra rrugë, të cilat u shembën si rrugë kashte njëra pas tjetrës në këtë pranverë.
Por, njeriu që mbylli dyert e Europës, duke përdorur për këtë qëllim dosjen e Lubisë, pasi është dosja e tij, është Edi Rama dhe ka vetëm një emër, që quhet Edi Rama.
Në raportin e tij, në tetor të vitit të kaluar, Komisioni Europian ka ngritur si çështje themelore për Shqipërinë rritjen e presionit politik ndaj gjyqësorit nga Edi Rama, luftën e dobët kundër korrupsionit dhe problemet madhore me lirinë e medieve.
Këto probleme jo vetëm që nuk morën një adresim të përshtatshëm dhe pozitiv, por njohën përkeqësimet më të mëdha në 32 vite.
Për herë të parë, parlamenti i Shqipërisë bllokon kërkesën e prokurorisë së vendit për arrestimin e zëvendëskryeministres Lubi Balluku.
Dhe këtë vendim, 83 mandatet e krimit që u përdorën si thika kundër drejtësisë nga Edi Rama, deputetët nuk e morën me vullnet të lirë, por në diktat të plotë të Edi Ramës.
Madje, siç e dini, Edi Rama deklaroi në mënyrë të papërgjegjshme se këtë vendim të tillë do ta merrte çdo parlament i çdo vendi demokratik.
E vërteta është se një vendim të tillë nuk e merrte kurrë parlamenti i një vendi demokratik.
E vërteta është se për Brukselin, për shqiptarët dhe për cilindo njeri që ka ABC-në e shtetit ligjor, ky është një vendim antikushtetues me pasoja shumë të rënda, shkatërrimtare për luftën kundër korrupsionit.