Flash News

Trump reagon pas diskutimeve SHBA-Ukrainë: Do të ftoj Zelenskyn sërish në Shtëpinë e Bardhë

“Ukraina gati për paqe”, Zelenskyy pranon propozimin e armëpushimit 30-ditor

Përfundon takimi SHBA-Ukrainë në Arabi, DASH njofton rikthimin e ndihmës së sigurisë për Kievin

Rina Rakipi, shqiptarja që u shpall finaliste për çmimin prestigjioz të sigurisë kibernetike në SHBA

Merret vendimi, ja sa vite burg dënohet Alqi Bllako

Ditari i Opozitës

"Opozita s’mund të kufizohet”, Pollo i drejtohet Várhelyi-t: Aplikojeni standartin edhe në Shqipëri

Politiko 2 Mars 2024, 12:59

"Opozita s’mund të kufizohet”, Pollo i drejtohet

Anëtari i Këshillit Kombëtar të PD, Genc Pollo, ka rishpërndarë një postim të Olivér Várhelyi, Komisioneri i Fqinjësisë dhe Zgjerimit në BE.

Várhelyi ka shpërndarë letrën e ish-presidentit ukrainas, Petro Poroshenko, ku ky i fundit i kërkonte asokohe t’i dërgonte një mesazh qeverisë ukrainase për të mos lejuar shkeljen e të drejtave dhe diskriminim e opozitës ukrainase.

“Si kryetar i partisë politike Solidariteti Evropian, i cili është anëtari i familjes politike të PPE dhe fraksioni i dytë parlamentar më i madh në Ukrainë, do t'ju lutesha t'i dërgoni mesazhet përkatëse qeverisë së Ukrainës me synimin për të inkurajuar fuqishëm autoritetet të ndalojnë praktikën diskriminuese ndaj partive opozitare dhe të sigurojnë respekt të plotë për pluralizmin politik dhe të drejtat e opozitës në Ukrainë në vijën e kritereve të anëtarësimit në BE”, shkruante Poroshenko në letrën drejtuar Varhely.

Nga ana tjetër, në rishpërndarjen e bërë, Várhelyi shkruan: “Në një demokraci që funksionon, opozita nuk mund të kufizohet.”

Pollo i kërkon Komisionerit për Fqinjësinë të ndjekë të njëjtin standart edhe me vendet kandidate për integrimin në BE, siç është Shqipëria.

“Kjo është e drejtë Komisioner Oliver Varhelyi. Faleminderit për postimin e letrës dhe shqetësimit të zotit Poroshenko.

Shpresojmë se do të aplikoni të njëjtin standard për situata të ngjashme në vendet e tjera kandidate për në BE si, të themi, Shqipëria, Serbia etj.

Me falenderim paraprakisht, I juaji me të vërtetë,

Genc Pollo”, shkruan në postim.

Prej kohësh qeveria Rama vijon të shtypë të drejtat e opozitës duke filluar nga kërkesat e rrëzuara për komisione hetimore deri në ndryshimin e ligjit ekzistues për to, heqjen e të drejtës për të votuar në Kuvend dhe diskutuar projektligje që lidhen me popullin, për të arritur deri tek vendosja e masës së sigurisë "arrest në shtëpi" ndaj liderit të opozitës Sali Berisha.

Të fundit