Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Paloka: "Treni Bullgar" evidentim i votës së blerë! Task - forca u përdor kundër opozitës

Politiko 25 Qershor 2025, 16:23

Paloka: "Treni Bullgar" evidentim i votës së blerë!

Deputeti dhe kreu i Këshillit Kombëtar të PD Edi Paloka, ka folur ditën e sotme mbi zgjedhjet e 11 Majit teksa është ndalur te fenomeni i "Trenit Bullgar" për të cilat ka pasur edhe denoncime me video. 

I ftuar në Syri TV, Paloka u shpreh se denoncimet e PD përbëjnë një pjesë të manipulimeve. Sipas tij ato që paraqet Berisha janë fenomene që janë përdorur në të gjithë Shqipërinë dhe nuk janë detaje të caktuara sikur mundohen që ti paraqesin Celibashi dhe njerëzit e Ramës.

Paloka thotë se “Treni Bullgar”, është thjesht kontrolli i votës, nuk është manipulimi direkt i votës. Vota sipas tij është blerë, është marrë me presion dhe atyre që u është marrë në këtë formë pastaj u kontrollohet me trenin bullgar, ju kontrollohet me shenja në fletën e votimit dhe me shumë forma të tjera.

Më tej Paloka ka ngritur akuza drejt organeve të drejtësisë, duke thënë se ëkto të fundit janë të kapura nga pushteti. Sipas Palokës po të funksiononte drejtësia në këtë vend sigurisht nuk do të ndodhnin këto.

Ai shton më tej se Task - Forca ishte për të kapur opozitën dhe veproi vetëm kundër opozitës. 

Edi Paloka: Ato që ka nxjerrë zoti Berisha përbëjnë një pjesë të manipulimeve. Sepse çdo fakt që ka nxjerrë zoti Berisha janë ato që ne i kemi evidentuar. Duhet të kemi parasyh që ka një pjesë të këtyre që nuk janë evidentuar nga opozita ende. Një pjesë janë në proces, nje pjesë edhe mund të mos evidentohen.

Por këto që ka paraqitur zoti Berisha janë fenomene, nuk janë detaje të shkëputura. Sepse këtu përpiqet të luajë edhe Celibashi edhe KQZ, sigurisht nën urdhrat e Ramës. I paraqesin këto fakte si detaje dhe pastaj ti vënë në peshore. Mirë mo, sa kanë ndikuar. Se kjo është histori e përsëritur kjo. Paskan qenë ca vota aty e ca vota atje. Jo të gjitha këto janë fenomene që janë përdorur në të gjithë Shqipërinë. Duke filluar nga “Treni Bullgar” që është evidentim i votës së blerë . Sepse “Treni Bullgar”, e dini, është thjesht kontrolli i votës, nuk është manipulimi direkt i votës. Vota është blerë, është marrë me presion dhe atyre që u është marrë në këtë formë pastaj u kontrollohet me trenin bullgar, ju kontrollohet me shenja në fletën e votimit dhe me shumë forma të tjera.

Pra edhe njëherë e them. Çfarë po paraqet zoti Berisha, janë fakte që përfaqësojnë fenomene të përhapura në të gjithë Shqipërinë. Zoti Berisha sot nuk e di a e kishte një tabele që nuk u paraqit. Por përveç këtyre që ka paraqitur zoti Berisha që janë të faktuara të dokumentuar gjatë fushatës, ndodh edhe një fenomen tjetër që e kisha unë në disa nga zonat e mia këtej nga Farka e sipër. Nëpër ish komunat e Tiranës. Ato ndalime që u bëhen me ligj sot qytetarëve shqiptarë të cilët duhet të marrin një lejë në bashki qoftë edhe për të rregulluar pllakat e shtëpisë apo për të lyer me gëlqere ose ai fshatari për të ndërtuar një ëC sot duhet të marrë leje në bashki. Gjatë fushatës të gjithëve ju tha se ju mund të bëni çfarë të doni se ne nuk ju kontrollojmë. Janë dhënë leje për kulla në Tiranë, për fushatën zgjedhore. Janë pra një seri shkeljesh ligjore të bëra me vetëdije nga qeveria edhe faktet janë hapur.

Nuk ka drejtësi. Po të funksiononte drejtësia në këtë vend sigurisht nuk do të ndodhnin këto.

Task - Forca ishte për të kapur opozitën. Çfarë bëri task - forca? Përveç shfaqjes, showt të zakonshëm që gjoja do merren masa, praktikisht u përdor vetëm kundër opozitës. Kur qëlloi që disa deputete apo kandidatë për deputetë bllokuan apo kapën në flagrancë njerëz që shisnin e blinin vota, task - forca ndalonte ose procedonte deputetët e PD.

Drejtësia procedonte deputetët e PD se ke bllokuar rrugën. Në Kurbin u arrestua bashkëshorti i deputetes Elda Hoti sepse kapi në mes të natës në lagjen e tij, ata që po kryenin krim zgjedhor po shisnin vota e po blinin vota në mes të natës, Kush u dënua. U mor dhe u arrestua bashkëshorti i Elda Hotit. Pra çfarë drejtësie. Drejtësia ka kohë që është në shërbim të Edi Ramës.

Të fundit