“Prokurorët e SPAK, vegla të Ramës”/ Malltezi: Kanë lënë në akuzë gënjeshtra të trasha

Jamarbër Malltezi ka reaguar pasi mori nga SPAK dosjen prej 500 faqesh për privatizimin e ish-klubit Partizani, çështje për të cilën u mor sot zyrtarisht i pandehur bashkë me vjehrrin e tij, kreun e PD-së, Sali Berisha.

Prokurorët e SPAK, Malltezi i konsideron si prokurorë politik, pasi sipas tij janë kthyer në vegla të kryeministrit Edi Rama dhe palaço.

Teksa ka publikuar dokumentet përkatëse, Malltezi shkruan në postimin e tij se prokurorët e SPAK kanë lënë në akuzë gënjeshtra trashanike sikur destinacionin e pronës e ndryshoi Sali Berisha më 21 Nëntor të vitit 2006, ndërkohë sipas tij, është edhe në dosje që e ka ndryshuar kryebashkiaku i asaj kohe, kryeministri Edi Rama më 8 Qershor të vitit 2006.

Postimi i plotë:

Prokuroret politike te #spak jane kthyer ne vegla te Edi Rames dhe krejt palaco. Kane lene ne akuze genjeshtrat e trasha sikur destinacionin e ndryshoi Berisha me 21.11.2006 kur e kane ne dosje qe e ndryshoi Edi Rama me 08.06.2006.

Biles e ndryshuan qysh me 12.05.2006 me vendim te keshillit teknik te KRRT (10 drejtore te Edi Rames) pa asnje kerkese te pronareve te tokes dhe para se pronaret e tokes te lidhnin kontrate me kompanine e ndertimit (vol.15 fq.10).

Plus, kur me thirren me 25.01.2024 une depozitova harten me ngjyra dhe vendimin nr. 238 te KRRT date 27.12.2008 me te cilin Edi Rama miratoi zonimin funksional te kompanise Urbaplan dhe e ndryshuan destinacionin e pjeses tjeter ne “zhvillime te reja me parametra te larte urbane” – kur shoh sot tek akuza kane lene qe pjeses tjeter ia ndryshoi Berisha ne 2013!

Po ketyre dokumenteve si tia bejme pa mire?

Mashtrues ordiner qe genjejne e fshehin dokumente.

Dividentin duan ta quajne rryshfet! Por eshte per guinness se thone qe Berisha i ndihmoi ne 2006-2009 por Malltezi mori divident ne 2017! 10 vjet me pas!