Rama i shmanget llogaridhënies, Nikolla iu fik mikrofonin demokratëve Ç’po ndodh në Kuvend

Vijojnë debatet në Kuvend. Demokratët e kanë marrë vetë fjalën, pasi kryeparlamentarja Lindita Nikolla u aka mohuar këtë të drejtë.

Opozita kërkon me ngulm që kryeministri Edi Rama të paraqitet në Kuvend dhe të japë shpjegime për skandalin McGonigal.

Deputetja Albana Vokshi nxori një video të kryeministrit Edi Rama me McGonigal ku dëgjohej: “Shefi i kundërterrorit ka qenë miku im”.

“S’ka më turp se ky proces verbal. Tregon sesa keq e drejtoni këtë kuvend. Është turp si fillim për ju zonja kryetare”, tha Vokshi, të cilës më pas iu fik mikrofoni.

Ndërsa deputeti demokrat Gazment Bardhi i ka kërkuar kryetares së Kuvendit, që të anulohet votimi i seancës së kaluar. Socialistët kaluan me votat e tyre në mes të zhurmës 8 projektligje dhe projektvendime. Bardhi tha se sipas rregullore, projektligjet që u miratuan javën e kaluar duhet të futen sërish në këtë seancë.

“Mënyra më anti kushtetuese ju si drejtuese vetëm nga frika që Rama të përballej me opozitën për një skandal të për ndër i hoqët të drejtën e fjalës 54 deputetëve. Sipas rregullores së parlamentit, në rast s enë sallën e seancave plenare shkaktohet kaos drejtuesi pezullon seancën plenare nëse kaosi vijon ndërpritet seanca dhe zhvendoset rendi i ditës.

S’ka nevojë të bëheni mburojë për Edi Ramën silleni në seancë të japë llogari sa kohë paguhet si. Anulo procesin e votimit në seancën e kaluar dhe nuk mund ti hiqni të drejtën e fjalës së opozitës", tha Bardhi. 

Ndërsa deputeti Ervin Salianji ka akuzuar kryeministrin Rama se është i përfshirë me çdo aferë korruptive dhe se Kuvendi duhet të pranojë kërkesën e opozitës për mocion me debat.

“Nëse kryeministri ka turp dhe nuk del këtu, nuk vjen, duhet të vijë të japë përgjigje se caktoni dot ju se kush do të bëjë debat. Është po ky kryeministër që i dalin skandalet me avionin privat. Është kryeministri që është i përfshirë me çdo aferë në këtë vend dhe se caktoni dot ju kohën e deputetëve e cakton kushtetuta. Pranoni kërkesën me mocion me debat, kërkohet kryeministri për një aferë personale se ka bërë me turp Shqipërinë në të gjitha mediat ndërkombëtare”, deklaroi Salianji.

Në të njëjtën linjë edhe Jorida Tabaku është shprehur se Kuvendi po kthehet në një zyrë të qeverisë. Ajo kërkoi që Rama të vinte në Kuvend dhe të jepte llogari për përfshirjen e tij në të këtë aferë.

“Të drejtën e fjalës tonë nuk na e hiqni dot, sot deputetët e opozitës kanë nevojë për transparencë, çdo gjë që kemi thënë në të shkuarën  është vërtetuar, duhet transparencë, kush po gënjen, nuk mund të fshiheni përjetësish. Unë vij në parlament se jam votuar për të folur që të mbaj qeverinë përgjegjëse, kërkesën për mocion, na takon që të mblidhemi, ta diskutojmë, ta vendosim, ndërkohë që të vazhdojë edhe interpelanca, ligjet e tjera janë shumë të rëndësishme, lëri deputetët të ushtrojnë”, tha Tabaku.