Flash News

Shpërthim me tritol brenda rrethimit të burgut të Fushë-Krujës

Zjarr në parkun e autobusëve në Lushnjë, shkrumbohen katër prej tyre

Info migrants: Italia transferon 26 persona të tjerë në qendrat e paraburgimit në Shqipëri

Netanyahu: Është eliminuar kreu i Hamasit në Gaza, Mohammad Sinwar

Vodhën automjetin në Tepelenë dhe e shitën në Gjirokastër, në pranga 3 të rinj

Ditari i Opozitës

Salianji: Sondazhet tregojnë 70% pakënaqësi ndaj socialistëve, PD fituese në zgjedhjet 2025

Politiko 24 Shtator 2024, 22:31

Salianji: Sondazhet tregojnë 70% pakënaqësi ndaj

Drejtuesi politik i PD në Qarkun e Elbasanit, Ervin Salianji deklaron se ‘pakënaqësia në nivel kombëtar ndaj qeverisë është 70%’.

I ftuar në Klan News, Salianji theksoi se në zgjedhjet e ardhshme që pritet të mbahen në pranverën e 2025, Partia Demokratike do të jetë fituese dhe socialistët do të marrin më pak vota se në vitin 1992.

Salianji: Ka një përçarje masive në Partinë Sociliste në qarkun e Elbasanit për shkak të këtij emri dhe po tentohen tani që të çohen edhe emra të tjerë për të paqtuar gjakrat. Pakënaqësia në nivel kombëtar ndaj qeverisë është 70% dhe është detyra jonë që ta kthejmë atë në votë.

Jo vetëm sondazhet tona, por ju keni parë që edhe sondazhet në çdo media që nuk kanë qëndrim editorial me ne thonë se 70% janë të pakënaqur me qeverinë. Në një vend ku presioni politike dhe gjithë institucionet kontrollohen dhe përdoren nga partia shtet të shprehin pakënaqësi 70%. Edhe vetë sondazhet e Partisë Socialiste ju e keni parë që nxjerrin edhe socialistët vetë të pakënaqur.

Partia Socialiste me zgjedhje të lira dhe të ndershme përfundon të marre më pak vota se sa ka marrë në vitin 1992.

Gjithashtu Salianji u shprehet se opozita duhet të bashkojë çdo votë kundër Edi Ramës, teksa ju bëri thirrje të gjithë opozitarëve që të bashkohen.

Salianji: Unë mendoj që ne duhet të luftojmë për çdo votë opozitare që ta bashkojmë. Nuk ka asnjë ndasi në kushtet e një autokracie bijen edhe diferencat ideologjike dhe kushdo që është kundër qeverisë duhet të bëhet bashkë. Çdo njeri që është në opozitë. Çdo formacion, individ, personalitet, segment i shoqërisë që është kundër qeverisë dhe do të bashkohet me opozitën i ka dyert e hapura. Sa më takon në qarkun e Elbasanit i kanë dyert e hapura të gjithë përfshirë edhe zonja Açka dhe të gjithë personalitetet që kanë qenë në Partinë Demokratike sepse tanimë ka një Parti Demokratike, unë e kam dorën e shtrirë për të gjithë Shqipërinë. Partia Demokratike ka nxjerrë edhe udhëzim për t’i përfshirë në struktura dhe për të mos penguar askujt karrierën politike për shkak të qëndrime që ka pasur, të vijnë dhe të bëjmë betejën brenda partisë dhe të shprehin brenda partisë mendimet e tyre.

 

Të fundit