Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

Ditari i Opozitës

"Shisnin" diploma, Xhaferri: Qeveria mbyll Wisdom dhe tenton të amnistojë MAS!

Politiko 26 Shtator 2024, 09:29

"Shisnin" diploma, Xhaferri: Qeveria mbyll Wisdom dhe tenton të

Kreu i FRPD-së, Besart Xhaferi ka reaguar pas mbylljes së Kolegjit Wisdom nga qeveria.

Në një reagim në Facrebook, Xhaferri shkruan se qeveria po tenton te amnistojë MAS, puna e së cilës duhet të jetë në sitën e Prokurorisë.

"Pasi skandali Wisdom pushtoi Italinë, qeveria  Rama ka vendosur të mbyllë këtë Universitet, që ka përmbytur fqinjin tonë me diploma false nën kujdesin e posaçëm të MAS, që e kishte akredituar në këmbim të një çante Louis Vuitton false.

Vendimi për mbylljen e këtij Universiteti, nuk duhet të jetë fundi i kësaj historie, pasi Prokuroria shqiptare duhet të nisë një hetim të thellë për këtë skandal.

Prokuroria duhet të hetojë Bordin e Akreditimeve dhe kupolën drejtuese të MAS pasi ekziston mundësia që Wisdom të mos jetë rast i veçuar dhe se universitete të tjera  private dhe publike në vend mund të ofrojnë të njëjtin shërbim nën markën “Made in Albania”.

Në sitën e Prokurorisë duhet të jetë puna e kupolës së MAS pasi në një vend ku patronazhistët dinë edhe mendimet e qytetarëve është e pamundur që një Universitet privat të shiste diploma si në tregun e gjësë së gjallë pa paguar haraç tek të pushtetshmit.

Wisdom është shëmbëlltyra më e qartë e degradimit të arsimit në vend nën qeverisjen e Rilindjes, ku korrupsioni dhe nepotizmi nuk asgjësuan vetëm institucionet publike por edhe ato private!", shkruan Xhaferri.

Të fundit