Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Nuk e lejojnë të kandidojë si i pavarur, Merkuri kallëzon penalisht kreun e degës së PS në Sarandë

Largohet nga radhët e Alibeajt , kandidati i PD-së për këshilltar në Durrës tërhiqet nga gara dhe i bashkohet koalicionit

“Ky despot sot ka në dorë të gjitha pushtetet”, Berisha: Qëllimi i Ramës ishte Shqipëria pa opozitë

Situata e COVID-19 në Shqipëri. Një humbje jete, ja sa të infektuar pati në 24 orët e fundit

Ditari i Opozitës

Skandali 'McGonigal', PD dorëzon në Kuvend kërkesën për ngritjen e Komisionit Hetimor

Politiko 3 Shkurt 2023, 11:15

Skandali 'McGonigal', PD dorëzon në Kuvend

Nënkryetari i Partisë Demokratike, Luçiano Boçi, dhe deputetja Albana Vokshi kanë dorëzuar në Kryesinë e Kuvendit kërkesën për ngritjen e Komisionit Hetimor Parlamentar për skandalin ‘McGonigal’.

Demokratët mblodhën firmat dje gjatë seancës plenarë të Kuvendit e cila u shoqërua me debate të forta. Shkak u bë mungesa e kryeministrit Edi Rama i cili nuk mori pjesë në interpelancën e thirrur nga Gazment Bardhi, por ia kishte deleguar të drejtën Elisa Spiropalit.

Komisioni hetimor synon të verifikojë “nxitjen, ndikimin, porositjen, përdorimin, përfshirjen përmes premtimit dhe ofrimit të favoreve, rryshfetit apo pasurive publike ndaj agjentit special të FBI-së Charles McGonigal dhe ose agjentë të tjerë të përfshirë për përfitime politike të kryeministrit Edi Rama dhe goditjen apo dëmtimin politik të opozitës shqiptare”.

Boçi tha se janë firmat e 45 deputetëve të cilët këkrojnë ngritjen e komisionit që do të hetojë skandalin ‘McGonigal’, ku është përmendur edhe kryeministrit Edi Rama për lidhej e tij të ngushta me ish-zyrtarin e FBI-së.

“Kemi firmosur 45 deputetë për të ngritur komisionin hetimor që të nxjerrim Ramën nga vrima e kamares. Jo vetëm komisioni do e nxjerr nga kamaria, por dhe protesta e 11 shkurtit. Rregullorja e përcakton qartë se kur ¼ e deputetëve kërkojnë ngritjen e komisionit, është detyrim që të ngrihet. Rama ka harxhuar taksat e shqiptarëve. S’do shpëtojë kësaj radhe. Ai do vijë në Komision Hetimor si ‘çeço’ dhe do përgjigjet. Ky komision do marrë detajet dhe do kërkojë të gjitha takimet e Ramës dhe skandalin e tij për të korruptuar institucionet e qeverisë amerikane, me qëllim goditjen e sistemit të pluralizimit në Shqipëri, dhe opozitës. Gjithçka do kthehet në bumerang”, tha Boçi.

Skandali 'McGonigal', PD dorëzon në Kuvend Skandali 'McGonigal', PD dorëzon në Kuvend Skandali 'McGonigal', PD dorëzon në Kuvend Skandali 'McGonigal', PD dorëzon në Kuvend

Të fundit