Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

Ditari i Opozitës

Tabaku: Buxheti si arka e oligarkëve nga mundi pensionistëve

Politiko 7 Shtator 2024, 10:06

Tabaku: Buxheti si arka e oligarkëve nga mundi pensionistëve

Deputetja e Partisë Demokratike, Jorida Tabaku, ka kritikuar rritjen minimale të pensioneve gjatë viteve të fundit, duke theksuar se në një periudhë prej 11 vitesh pensioni i pleqërisë është rritur me vetëm 3000 lekë. Në një deklaratë të bërë përmes një videoje, ajo vuri në dukje se, ndërkohë që pensionistët përballen me një rritje të çmimeve të ushqimeve dhe shërbimeve, qeveria ka dedikuar 15 milionë euro për ndryshimin e fondeve buxhetore për koncesionet, pas ankesave nga kompanitë për rritjen e çmimeve.

"Sot, 700,000 pensionistë po vuajnë në kushtet më të vështira ekonomike, por qeveria nuk ka marrë asnjë vendim në mbështetje të tyre," tha Tabaku. Ajo theksoi gjithashtu se vendimet e qeverisë favorizojnë një pakicë të privilegjuar dhe neglizhojnë shumicën e qytetarëve. Me pensionet dhe pagat më të ulëta në rajonin e Ballkanit Perëndimor, Tabaku e cilësoi situatën ekonomike të vendit si të brishtë, duke theksuar zhvlerësimin e euros dhe rritjen minimale të ekonomisë.

Sipas Tabakut, 95% e qytetarëve janë detyruar të paguajnë më shumë për të njëjtat shërbime dhe produkte, por marrin më pak përfitime nga rritjet e çmimeve, duke akuzuar qeverinë për mosmbështetje ndaj shtresës së mesme dhe shtresave më të prekura.

Postimi i plotë:

3000 lekë është rritur pensioni i pleqërisë në 11 vite. 15 milionë euro vetëm ndryshimi i fondit buxhetor për koncensionet vetëm se janë ankuar për cmimet e larta. Po këto pensionistët që i rritet vetëm 50 lekë në muaj pensioni, nuk i vuajnë cmimet e larta? Nuk paguajnë këto më shumë për cmimin e ushqimeve që është më i larti në të gjithë rajonin? Nuk paguajnë më shumë për faturën e ujit që po rritet, nuk paguajnë këto më shumë për të gjitha shërbimet që janë rritur? Pse Qeveria dhe cdo vendim që merr e merr atë në funksion dhe në mbështetje të pakicës dhe asnjëherë të shumicës?
Sot 700.000 pensionistë janë duke vuajtur kushtet më të vështira. Kush mendon për to? Nëse do të kishte një vendim të drejtë që do të merrte Qeveria me ndryshimet e fundit në buxhet do të ishte pikërisht mbështetja për të gjitha shtresat sociale e sigurisht mbështetja e munguar për shtresën e mesme. Pensionet janë më të ulëtat në Ballkanin Perëndimor, pagat janë më të ulëtat në Ballkanin Perëndimor, rritja ekonomike më e ulët, zhvlerësimi i euros që ndikon në ekonomi. Janë të gjithë faktorë që kanë sjellë që sot, vendim pas vendimi, buxhet pas buxheti,95% e qytetarëve të paguajnë më shumë por të marrin më pak. Kjo është rritja e vërtetë e ekonomisë shqiptare.

 

Të fundit