Flash News

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

Ditari i Opozitës

“Taksë e sheshtë 10%”, Tabaku viziton fasonerinë: Më shumë para në xhepin e çdo punonjëseje

Politiko 15 Prill 2025, 11:31

“Taksë e sheshtë 10%”, Tabaku viziton fasonerinë:

Kandidatja për deputete e Partisë Demokratike në Tiranë, Jorida Tabaku, zhvilloi një vizitë në një nga fasoneritë e kryeqytetit, ku takoi nga afër punonjëset dhe ka biseduar me to për vështirësitë e jetës së përditshme dhe kostot e larta të jetesës.

 “Jam shumë e gëzuar që zonjat më mbështesin dhe realisht shumë e privilegjuar për këtë mbështetje. Ju falenderoj që më dhatë mundësinë t’ju flas,” – u shpreh Tabaku.

Duke folur për programin ekonomik të Partisë Demokratike, Tabaku theksoi se vendosja e taksës së sheshtë 10%, është një nga politikat më të rëndësishme që do të ndikojë drejtpërdrejt në xhepat e qytetarëve dhe rrogat e punëtorëve.

“E di shumë mirë që zgjoheni më herët se unë, që pas punës shkoni në shtëpi dhe merreni me punët atje, përfshirë edhe buxhetin e familjes. E di sa mirë e kuptoni kur flas për taksën e sheshtë 10%. Sepse kjo do të thotë më shumë para në xhepin tuaj dhe të familjes suaj. Më shumë para për sipërmarrjen që do të përkthehet në më shumë rroga për ju,” – tha Tabaku.

Kandidatja demokrate theksoi se vota e 11 majit duhet të jetë një votë për ekonominë e familjes, për më shumë drejtësi dhe dinjitet në punë, dhe për një shtet që i lehtëson, jo i rëndon qytetarët.

g

 

Të fundit