Flash News

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Të shtëna me armë zjarri në Durrës, një i plagosur

Ditari i Opozitës

Të deleguarit e PD-së për 12 qarqet, thirrja e Këlliçit: Jemi në një varkë, o triumfojmë o mbytemi të gjithë

Politiko 12 Shtator 2024, 21:26

Të deleguarit e PD-së për 12 qarqet, thirrja e

Dy partitë më të madha në vend PS e PD e kanë gati formacionin e drejtuesve politikë për zgjedhjet e ardhshme parlamentare, çka do të nxisë që tani përballjen e dy ekipeve në terren.

Lista e Partisë Demokratike kryesohet nga Belind Këlliçi për Tiranën, duke vijuar më tej në Durrës  me Oerd Bylykbashi, Shkodër me Luçiano Boçi, Lezhë me Agron Gjekmarkaj, Fier me  Gazment Bardhi, Elbasan me  Ervin Salianji, Korçë me Ivi Kaso, Kukës me Flamur Hoxha, Gjirokastër me Tritan Shehu, Vlorë me Bujar Leksaj, Berat me Eno Bozdo dhe Dibër me Xhelal Mziun.

Drejtuesi politik i Tiranës, Belind Këlliçi i pyetur nga Politiko.al, për një mesazh për kolegët e tij, është shprehur se kjo është një betejë e përbashkët dhe se janë në të njëjtën varkë.

“Mesazhi për kolegët e mi drejtues në Partinë Demokratike është që kjo betejë është e përbashkët jemi në një varkë që të gjithë.

 Është beteja jonë e fundit o kalojmë këtë radhë këtë sfidë o mbytemi të gjithë. Kjo nuk është një betejë që bëhet për tu zgjedhur deputet kjo është një betejë që bëhet për të sjellë ndryshimin e shumëpritur qytetarëve shqiptarë dhe padiskutim është një betejë që bëhet për qytetarët e zakonshëm për qytetarë të thjeshtë vendit.

Ne kemi bërë shumë të madhe në fakt që na është besuar në kreu partisë demokratike për tu udhëhequr betejën politike qarqeve ku jemi deleguar dhe jam i bindur që secili prej kolegëve të mi do të japë gjithçka nga vetja për të rezultuar fitues në fund të kësaj gare.

Duhet ta kuptojmë që një mandati katërt për Edi Ramën nuk është vetëm një shkatërrim për opozitën por është një shkatërrim për vendin është një shkatërrim për demokracinë e këtij vendi është shkatërrim për shpresat e çdo qytetare shqiptar që do të jetoj në këtë vend dhe është një ftesë për të larguar dhe një milionë shqiptarë të tjerë nga Shqipëria.”

Këllici ka pasur dhe një thirrje për qytetarët, të cilët i ka ftuar që tu bashkohen projektit, t'i bashkohen grupit të  Partisë Demokratike  për të sjellë ndryshimin e shumëpritur në Shqipëri.

“Kështu që thirrja ime drejtohet gjithë qytetarëve të zakonshëm që nuk duhet ta presin zgjidhjen nga qiellin, ta presin zgjidhjen që ti vijë falas, do duhet që të angazhohen.

Nëse nuk pajtohen me këtë situatë aktuale duhet që ti marrin vetë frenat në dorë. E rëndësishme është që të kuptojmë që nëse nuk bëhemi bashkë asgjë nuk do të ndodhë dhe ky ndryshim nuk do të vijë vetë.

Ndaj ftoj këdo qytetarë që mendon që ka ardhur koha për të ndryshuar ti bashkohet projektit tonë t'i bashkohet grupet partisë demokratike  për të sjellë ndryshimin e shumëpritur në Shqipëri.

Dhe nuk kam asnjë kompleks të them që edhe nesër kur partia demokratike të jetë në krye të qeverisë dhe kryevendit në momentin e parë që politikanët e saj drejtuesit e saj ministrat e kabinetit nuk mbajnë premtimet që kanë dhënë, padiskutim ftoi qytetarët e ndershëm të vendi, qytetarët e kësaj republike të çohen në protestat të fuqishme kundër çdo politikane që nuk mban premtimet.

 Koha mashtrimeve ka marrë fund, nuk kemi më kohë për të humbur.”

 

 

 

 

 

Të fundit